سلام والدعوى ظهر والعصر باقله شوي=يلي قريت ابيوت شعري لا يكيدك ردها
بدعت لي بيتن يالله جعلي القا لي خوي=باهاجمه وان كانهو حارس و ذيب يسدها

يا مرحبا بعد الظهر جاك العصر خلك قوي=خذ ردها والطيبه عادتك وانته بدها
ابدع وبدع يا ولد والكل منا له نوي=يا فكرتي بعض البشر على الخطا وش حدها

دام البقا والخوف والرهبه ماهيه لبدوي=وانكان بك شك فمد يديك يمي مدها
الله يجعل هالتعب يخلف و نلقاله ضوي=بعض العرب مانستريح الى بعد مانكدها

تقولها لكن بك رعشه وقلبك له دوي=خل الكلام الملتوي كلمتك تلقى ضدها
دوك الكلام المعتدل دوك الكلام المستوي=بنت الكحيلا كبها ايلين تصبح قدها

سلوبودان

سلام والدعوى ظهر والعصر باقله شوي=يلي قريت ابيوت شعري لا يكيدك ردها
بدعت لي بيتن يالله جعلي القا لي خوي=باهاجمه وان كانهو حارس و ذيب يسدها

المعتصم بالله

يا مرحبا بعد الظهر جاك العصر خلك قوي=خذ ردها والطيبه عادتك وانته بدها
ابدع وبدع يا ولد والكل منا له نوي=يا فكرتي بعض البشر على الخطا وش حدها

سلوبودان

دام البقا والخوف والرهبه ماهيه لبدوي=وانكان بك شك فمد يديك يمي مدها
الله يجعل هالتعب يخلف و نلقاله ضوي=بعض العرب مانستريح الى بعد مانكدها

المعتصم بالله

تقولها لكن بك رعشه وقلبك له دوي=خل الكلام الملتوي كلمتك تلقى ضدها
دوك الكلام المعتدل دوك الكلام المستوي=بنت الكحيلا كبها ايلين تصبح قدها

ليتك تكب البهلله ياصاحبي يالبهلوي=قدام فوقك هالحمول الكايدات انشدها
تراك لرميا يارجال والله مستوي=مثل الغزال اللي تعرض للبنادق خدها

البهلله ما هيب الي ياصاحبي يالفهلوي=والحمل ما تقدر عليه بيوتك قوم وهدها
جنبت عن دين العرب مجبور والا مهتوي=ولبست ثوب الاجنبي وغلطاتك كلٍ عدها