منصاب قلبي منـك يابنـت منصـاب=روفـي رحمـك الله ثـم انصفيـنـي
جروح قلبـي مـا تداويهـا الاطبـاب=قامـت تزايـد كـل يـوم وتشيـنـي
ودمعي من اسبابك على الخد سكـاب=لا واعذابي منـك يـا شيـب عينـي
وانا الذي ما جيت لـك يـوم بعتـاب=ابغـى رضاكـم لوتطـول السنيـنـي
وانت الذي عاملتني بصـد وارهـاب=وكـم قلـت لـك بالله لا تجرحيـنـي
ما يجتمع يـا بنـت صـادق وكـذاب=روحـي فمان الله لا تحتريـنـي
ما عاد لي في حبكم شـف واعجـاب=خلاص يكفي مـا حصـل واعذرينـي
حل الفراق وكـل شـيٍ لـه أسبـاب=يالله علـى فرقـا حبيـبـي تعيـنـي
حكم القدر يا بنـت تفريـق الاحبـاب=وانتي على حكمـي معـك سامحينـي
ما عاد انا محسوب لك ضمن الاصحاب=موادعـك وانتـي بعـد وادعيـنـي
هذا القرار وخاطري منـك مـا طـاب=وحبل الوصل مقطـوع بينـك وبينـي