عتبان ماقفنا ليا نوخ النوب
 

[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
عشنا على طيب المكارم والافعال=عتبان ماقفنا ليا نوخ النوب
احرار ما نقبل من الذل مثقال=ونكسب بياض الوجه والسمر مشبوب
لطامة العايل على كل مرمال =ذباحة الحايل فرج كل مكروب
كسابة الفعل النقي ذخر الابطال=يوم الليالي خوف ومداحم جنوب
ترعى بنا الوضحاءزماليق الاسهال =ويوم الوعد نوفي لياغاب عرقوب
قلته وطيب الفعل شاهد ولازال=عتيبي وقدري مع هل القدر محسوب
اقلط ولي في مجلس الفخر فنجال= كيف يفضل لي على كل مشروب
واختار مجلاس به الهم ينزال=وابعد خطى الاقدام عن كل عذروب
وادهل مع اهل الطيب في كل مدهال=غريزة فالنفس عنها ولااتوب
وارفع مقامي عن رديين الاعمال=خوف من الله لاانجبر واكسب ذنوب
وابعد مجالي عن هل القيل والقال=ولاني على المجلاس مجبر ومغصوب
ولااغتر فالعالم ولابعض الاشكال=عقلي معي ماني من العقل مسلوب
افحص وادقق فالبشر دق وجلال=واختار للرفقه نداوي ويشبوب
اخاف يلحقني مناقيد واقوال=وابلش بحوق الماء ليا صار مسكوب
الرجل ما يرضى على نفسه اذلال=ولايرتدي للنقص مشلح ولاثوب
وليا رضى الحقران خاسر ولو طال=عمره مع العقال مجفي ومنكوب
الوقت علمنا على اقفاي واقبال=وعشنا فصول الوقت نسمه ولاهوب
فج فسيح ومخرمٍ يطرد لال=وملاعبة قاف على طرق مسحوب
وسج القدم في خايعٍ عقب همال=عندي تساوي مرتبة كل منصوب
لاصار يبعدني عن رخوم وانذال=يا مرحبا بالبعد مشهى ومطلوب
ومن لاخذا من وقته دروس وسوال=بالجهل يلبس ثوبه الزين مقلوب
تجارب يلقى بها كل رجال=الفرق بين الناس ويعيش باسلوب
يقدر العاقل على كل الاحوال=ويصبر على الجاهل مثل صبر يعقوب
قلته وانا لي فالمواضيع مدخال=شاعر ولي فالشعر منهاج ودروب
اشرب قراحه وانتقي شرد الامثال=وتردد اصداها جماهير وقلوب
[/poet]

صح لسانك صح لسانك ياسمران
 

صح لسانك يا أخوي سمران القثامي وبيض الله وجهك على هالقصيدة الأكثر من رائعة ولا تحرمنا من إبداعاتك وقصائدك الجزلة.
أخوك الحر الأشقر

الأخ الحر الأشقر مساك الله بالخير

أشكرك عاى المرور ولا يستغرب الكلام الزين من راعيه

اكرر شكري 00 والله يعطيك العافيه وتبقى على راس مرقابك

تقبل تحيات ضيفكم الجديد /سمران القثامي

احرار ما نقبل من الذل مثقال 000ونكسب بياض الوجه والسمر مشبوب


صح لسانك وبيض الله وجهك والله لايهينك قصيده رائعه جدا
وتشكر عليها

مساكم الله بالخير
 

عشنا على طيب المكارم والافعال 000عتبان ماقفنا ليا نوخ النوب

والله والف نعم صح لسانك اخوي سمران القثامي وعلى قولة اخوي الحر الاشقر لاتحرمنا من قصايدك المدح بعتيبه عسى الله لايحرمك من رحمته

الأخ الغالي / متعب العضياني الله يمسيك بالخير ياعصابة راسي والله اني


ماسوى شي بدون ربعي والشي اللي اقوله يقصر عن فعلهم وتاريخهم ولكن كلن ومقدوره


اكرر شكري وتقديري اخوك /سمران القثامي

صح لسانك يابو دانه . . ماشاء الله عليك . . من متى بديت تنشر قصايدك في النت ؟

اللي أعرفه انك مقل جداً في نشر قصايدك على الشبكه . . ترى مالك عذر في نشر روائعك الباقيه .

فهدمتعب الجعيد
 

ومن لاخذا من وقته دروس وسوال 000بالجهل يلبس ثوبه الزين مقلوبلا هنت سمران

ونعم يابن العم قصيده اروع من رائعه

الأخ فهد متعب الجعيد أسعد الله مساك يا ولد العم والله لايهينك و1000شكر

على مرورك وإطرائك ولايستغرب الكلام الزين من راعيه


أخوك سمررررررررررران القثامي