سلامي بعد ماغبت لي عدة ايام= سلام الرجال اللي تعز الرجالي
ترى اللي يوقف بالمواقيف ينلام= ليا صار ماله بالمراجل مجالي

هلا مرحبا ترحيب والدرب قدام= وحنا نعزك يا كريم السبالي
كثير العلوم الأوله دربها شام= وغير العلوم علوم يا هملالي

يدوم البقا وابشر بتقدير واكرام=مدام بوجودك كل درب استوالي
تبي تاكل المقسوم والرب علام=ولايرتكي للحمل غير الجمالي

المشاركة الأصلية كتبت بواسطة رفيع المنزل (المشاركة 669602) يدوم البقا وابشر بتقدير واكرام=مدام بوجودك كل درب استوالي تبي تاكل المقسوم والرب علام=ولايرتكي للحمل غير الجمالي

حضينا بتقدير العرب كل الأعوام= حجازي على ساسي وصدري شمالي
مقاسيمكم ماهي لنا يابني يام=لكن اكتبو غير المقاله مقالي

ونعمين ياراس ٍ على الطيب جزام= لو انك ماتنطح في حيود الجبالي
تحر الخبر ياصاحبي عبر الاعلام = ليا منـــّـــــها دارت عليك الليالي

تدور اليال وتختلف كل الأرقام= وهاذي من المولى عزيز الجلالي
انا مسلم ماشي على دين الأسلام= ورجل عتيبي حيلتي دون حالي

قل الحمد لله لاتمادى بالاحلام=مادامك من اول ماوصلت المنالي
تراني مااذم اللي يردون الاخصام=لكنّ ابن وايل ماعليه احتيالي

المشاركة الأصلية كتبت بواسطة رفيع المنزل (المشاركة 670577) قل الحمد لله لاتمادى بالاحلام=مادامك من اول ماوصلت المنالي تراني مااذم اللي يردون الاخصام=لكنّ ابن وايل ماعليه احتيالي

اعرف الحقيقه وعرف علوم الأوهام= وانا في سنام العز فـ اول وتالي
وانا كيف اذمك ونت ابن ناس وكرام= عسى مايميل غير شق العقالي