من لم يكن له في حياته نصيرا = عضتهُ أنياب الزمان القواطيع
باعي مع اهل الباع ماهو قصيرا = ولا فاقدٍ حيله لنيل المطاليع
طيرِ بلاجنان صعبٍ يطيرا = لو كان يشبه للنصور المفاريع
والسيف من هيبته عزّ الجفيرا = لو أن مايشبه لحد البواتيع!
والصاحب اللي مايجي لي خشيرا = في عاصي الأيام ولاّ المطاويع
هذاك أنا أدفن خوته وسط بيرا = والطبع مايغلبه كثر التطابيع
وين الرفيق اللي محالَ النظيرا = خوته ماتنباع لو قيل ليّ بيع !!
هذا زماني والليالي تسيرا = ومن لا يجي متبوع جوه المتابيع
بصيص عين ولا عماة البصيرا = أقنع قبل تقنعك غصب المقانيع
يالله وانا طالبك وأنت المجيرا = تجعل لي الأخرى بروضٍ مرابيع
لا طالبٍ دنيا ولا لي عشيرا = رحمتك لا جوك الأوادم رواجيع

المشاركة الأصلية كتبت بواسطة مرزوق حمدان العتيبي (المشاركة 670111) .. بصيص عين ولا عماة البصيرا أقنع قبل تقنعك غصب المقانيـع يالله وانا طالبك وأنت المجيـرا تجعل لي الأخرى بروضٍ مرابيع لا طالبٍ دنيا ولا لـي عشيـرا رحمتك لا جوك الأوادم رواجيع .. والله دره يارائع ... ماشاء الله عليك ... في ابداعك يالسميري .. .. سعدت بقراءتها ... وسأعود قراءتها مرات ومرات .. .... فهي لاتمل....