يالله من نـون مزونـه مراهيـش=يجي تـوال الليـل زاهـم خيالـه
ياطي عويقر ووامهات الروانيـش=نقبه جنوبـه والمحانـي شمالـه
نوج ً حقاق ونوج وبل ورشاريـش=لين المغني ينشـرح ضيـق بالـه
ليا زما نابي زهرها مـع الريـش=في مرقبً ساله على درب سالـه
مدهال عربن ماقنوهـا دراويـش=مامنهن الدرويش قـرب اعقالـه
من اللساع ليا شفا تلعت الجيـش=مدهالهـا واللـي ورى ماتبـالـه
مدهال نقاض القـرون العكاريـش=الله يشيل اللي مـن الـدار شالـه
راعي ثمانً مثل شرب النقاريـش=شرب القراح اللـي بـرادً زلالـه
مع مبسمن يذهب عليها ليا نيـش=مـع ليـن عنـقً مالقينـا بدالـه
راعي نهودن مثل بيض الخرافيش=عليهـن الخمـري تطلـق حبالـه
معاد من يمـه يجينـي طراريـش=ابا انشد الطراش عن ويش حالـه
عن شبه وضحى ماقنوها قراريش=تجنح ورى شول ً بعيـده رعالـه
تحوش قلبي حوش جمع ً بعد حيش=في ساعةً ماعـاد عنهـا حيالـه
حاشوه مروين الرصاص المعاطيش=يومً كـل عزوتـه مـن خوالـه
والود ماهو شرب مينً على عيش=ميـدان فرسـانً تعاقـب سلالـه
فوساق قبـن يلحقـن المطاييـش=ليا قفى الوسيق وحال دونه قلالـه
ولد الوسيق وقال وين المداغيـش=ولحقو فزوع معبسـات الشمالـه
اعيال فوق الروس مثل الطراربيش=كل ً يحوش المرجلـة والشكالـه