سلام تسليم الرجال اللي يعزون الرجال=ردية لعتيبه الهيلا هل السيف الشطير
اللي يرد لايارد الابالطويل من الحبال=مايارد العد القراح اللي معه حبل قصير

يامرحبا ترحيبة الوافين مع طول الليال=من هاجسن يعرف حقوق الضيف والشيخ الكبير
ترى البعير ليا برك يحمل ثقيلات الحمال = والناس تعرف بن ابن حويد ماهو بالبعير

خل التراحيب اابعدين..السالفه فيها جدال=وش عذركم ياهل السفاره عقب ماولى السفير ..؟!
البوصله ياصحابنا العتبان تشر للشمال=عوّد يالاندكروز مانته فالشعر ليّه خشير ..!!

هذاه قولك .. لا هلا لا مرحبا لا كيف حال = سفيرنا في مكتبه ماهوب مختارك شوير
اليا اسألوك الناس جاوب لي على قد السؤال = صدام مات العام واضحى في عذابٍ زمهرير!

هذي تراها كلها ماهيب والله راس مال= الناس قفت بالذهب و انته ماتدري وش يصير ..
اليا جهلت العلم رح وانشد كريمين السبال=وصدام مات ولا انت يارجال علاّم المصير ..

كان الذهب مشغلك زاد ونقصوا سعر الريال = ريالك اليومه ترى مايوكلك قطعة مضير
من ينشد العراف مابه عيب لله الكمال = اللي عرف واللي جهل والا يرى والا الضرير