في حلة بالطيب زادت على الطيب = يامرحبا يالضيف باسم المعازيب
(ياذيب ابا اوصيك لاتاكل الذيب) = سبحان من ترقب علينا عيونه

ولا ياليت ربي خلق من شكل صياف = ثلاثة بس في حرب ترفع مستواها
ياعبدالله بعد جاك تاج(ن) فوق الاكتاف = توقع ورثت العود لاتركض وراها

دام البقا وارفع على العز رايه = وانا معك والطيب للرجل غايه
ولا توصي من يحفظ الوصايه = سبحان من ترقب علينا عيونه

عسى الله يرحم العود كان يسخر القاف =وبعده ناس وقت الملاقى ما علاها
انا رجال عندي طموح وعندي أهداف =أقدر صحبة الربع واقدر عطاها

ماكل من يركب على الخيل فارس = والشعر ياما له رجال ومدارس
واذار غير الشهر عن شهر مارس = سبحان من ترقب عليتا عيونه

تجاجير الذهب غير عن تجار الاعلاف = تشوف البرق بس السحب ماجاك ماها
وريث المجد يشبه وصيفه زين الاوصاف = ياليته يوم يرمي سواته لارماها

لا لا تقيس الناس مع سيد الناس =الناس قسها مع بعضها بمقياس
الله ولا بنك يعود بالافلاس = سبحان من ترقب علينا عيونه

الا يالفارس اللي من الفريس خواف = عيونك يابن شلاح قل لي وش بلاها
ترا ما كل من طب مكه حج واطاف =كثير الناس يدخل ويطلع من وراها