في داخل الاسياب جريـت ونـات=وصارت دموع العين تذرف هماليل
والقلب يزفر بالضلـوع النحيـلات=ولولا الرجاء بالله لسوي غرابيـل
يوم اقبلوا معهم سريـر ومخـدات=وغذايه(ن) معهم وعلبـه تحاليـل
معهم طبيب البنج ياخـذ علامـات=ياخذعلامـات القلـوب المعالـيـل
في غرفة الطفـل الملـوع وبـذات=دشو وقالوا غير اللبـس ياحليـل
صار يتقلب في سريـرة وعبـرات=عينه على خدة تهامل كما السيـل
يصرخ يقول ابوي يابوي فزعـات=وراك ساكت واللي دونك لهم كيـل
يابوي خلصني ترى الوقت فـوات=عظمي صغير وقوتي مابهـا حيـل
واخفيت صوته عقب ونه وزفـرات=والثوب الاخضرغاطي(ن)جسم نحيل
يالله يارافـع لسبـع السـمـوات=يمحكم(ن) امره على الصبح والليل
تفرج لطفـل(ن)ذاق مروعقوبـات=ليل(ن) يبات وليل فيـه البهاذيـل