الهيـــــــــــــلا *** منتدى قبيلة عتيبة - الشاعر / محمد بن نافع بن معجب بن فرج المغيري

قصيده للشاعر / محمد بن نافع بن معجب بن فرج المغيري العتيبي

قالها ينصح بها ابنائه عندما كانو يدرسون خارج المملكه ...

سلام مني عد ذعذاع الارياح 000 وماغرد القمري ومشرق صباحه

يامتجه لرض ٍ بها الكفر بواح 000 كل المعاصي عند اهلها مباحه

من بعدها للبونج مسرى ومسراح 000 يفرح بها العاصي ويرفع جناحه

يفرح بها الخايب اليا راح سواح 000 وينسى الحيا والدين في أثناء السياحه

أحد ٍ يحصل فالمراويح الامداح 000 ويكسب علوم الطيب في أثناء مراحه

وأحد ٍ يعود ماكسب غير الافضاح 000 وجه الردى مايكسب الا القباحه

واللاش ولد اللاش لو ترفعه طاح 000 نفسه ترده للدنا والسلاحه

والرجل هقواته للامداح مطماح 000 ويمشي مع الصالح ويفهد صلاحه

يارب سهل درب عجاب وان راح 000 ومساعد الروقي تحفظ مراحه

رحتو عسى في دربكم خير وافلاح 000 للدين والدنيا في الاشياء المباحه

انتم تجوز ايامكم ضحك ومزاح 000 وحنا جرحنا بعدكم بالصراحه

من بعدكم مايمشي القلب مرتاح 000 وفي قربكم قلبي يزيد ارتياحه

وانتم ربيع القلب مانيب بمزاح 000 انتم ربيع القلب وانتم سلاحه

انصح نصيحة من نصحكم بالانصاح 000 نصيحة اللي مخلص ٍ في نصاحه

تحذرو تعصون خلاق الارواح 000 اللي جعل في الدين للعبد راحه

من يعتصم بالدين يلقا بها الافلاح 000 من عند راع الخير يلقا فلاحه

لياجا نهار ٍ فيه توزيع الارباح 000 وكل ٍ عرف خسارته مع رباحه

ومايفعل المخلوق يكتب بالالواح 000 اليا ارتكب ذنبٍ عصى واستباحه

وصلو على سيد الملا عد مالاح 000 برق ٍ وماهبت هبايب رياحه

وسلامتكم