سلام ردية(ن) ترضى بها كل الرياجيل=يا ربعنا اللي تصون الحق من ماض الليالي
يابن فلاح أكثر أصحابك من السلمان وهذيل=وانا لك الله ما أفرق بين الأقصى والموالي

يا مرحبا عدّ ما يبد القمر و الجدي و سهيل=بالشّاعر اللي عزيز و عندنا بالحيل غالي
عبدالمجيد أنته تدوّر على الفالح مداخيل ؟=حنّا نعزّ الرجال اللي يعزّون الرجالي

ياراعي الدله اللي قاصر(ن) عنها الفناجيل=البن والهيل كيف الراس من صفر الدلالي
ورى هل الخيل مانته بينهم ياراعي الخيل=لن كان تحسب علوم(ن) مالها لأول وتالي

تقهو يا ضيف و أقعد راسك من البنّ و الهيل=ما يقصر الكيف عن ربعي كريمين السبالي
الظاهر الشوف عندك مختلف .. ماهوب بالحيل=إن كان يا صاحبي ما شفت ابو زيد الهلالي