مبـروك فـوزك يـا ولـيـد العتيـبـي=أنا أشهد إنك صدق ( فارس ) و ( خيّال )
مثّلـت ربعـك جعـل فـالـك يطيـبـي=و نومستهم يـا طيـب الذّكـر و الفـال
خيّـال مـا فالعـلـم شــكٍ و ريـبـي=بالفعـل مـا جالـك بتصويـت جــوّال
فـوق المهـار اللـي تهـاذب هذيـبـي=و حمولـهـا تقـريـب 20 رجّـــال
فعلـت فـعـلٍ مــا نـعـدّه غريـبـي=ورثتـه مـن العـمّ و الجـدّ و الخـال
أصلك مـن السـاس الأصيـل العريبـي=و ربعك هل الطـالات ماضيـن الأفعـال
ربعـك عتيبـه سقـم عيـن الحريبـي=تاريخهـم يشهـد لفـرّيـس و أبـطـال
أقـولـهـا والله عـلـيّـه رقـيـبـي=( يكفيك ابن هندي و مسلـط و هـذّال )
دايـم لنـا فالمجـد حــظّ و نصيـبـي=العـزّ مطلبنـا علـى مــرّ الأجـيـال
و درب العلا ماهوب هيّـن ... صعيبـي=والصقر ميقاعـه علـى النايـف العـال
واللـي بفعلـه زوّد الطـيـب طيـبـي=تنشر له البيضاء علـى راس مـا طـال
لي الفخـر ... و بكـلّ صـدرٍ رحيبـي=أكتب و أغنّي فيـه مـن جـزل الأمثـال
فيـه الهقـاوي كلـهـا مــا تخيـبـي=مـا دام لـه فـي قمّـة المجـد منـزال
شمـس الحقيقـه نورهـا مـا يغيـبـي=هـذا الصحيـح و كلمـة الحـقّ تنقـال
الله يوفّقـنـا الـكــلام المصـيـبـي=و إنّـه يثبّتنـا علـى خيـر الأعـمـال
و صلّوا على وجـه الرسـول الحبيبـي=عـداد مـا يمطـر مـن الغيـث همّـال