ولًع الطاروق بيني و بينك يالجلاه =لين يصبح شعلةٍ فالسّما دخانها
صاحبي ناصر نشوفه تدنّى مستواه=بعد طاحت بندقه وإنكسر نيشانها

استعدوا للعنا من يبى مقصد لقاه=شبها وإن قاله الله تطيح وزانها
ماتقيمني ولا أنته بقاضٍ للقضاه=وانت راعي بندقٍ والخطا برهانها

كلّ ما صاد ... العضياني الصيد اشتواه=الطيور البرق بأشكالها و ألوانها
الغبي ما يدري إنّه غبيٍ من غباه=والعلوم يجيبها مصتغي ميزانها

صيد ابن ثعلي نعرفه ماحلل بأذكاه=يوم صيد أهل الولع جزلها وأسمانها
من يمد الكف للناس يرجع له ملاه=(( الرساله نصها موجزه عنوانها ))

صيدنا طيّب و معروف ما فيه إشتباه=الحرار .... الخير معقود في جنحانها
كنت أقول إنّ العصيمي حليل و ما علاه!!!=ليـــن نفسه قام يلعبّها شيطانها

واجب العربان في كسبهم تظهر زكاه=مار من كثر العرب ماعرفت اديانها
نشتري ونبيع صاف الذهب ساعة غلاه=وانت عاقبت فأم بضعه على دكانها

يالعصيمي لاتصلي على كل إتجاه=قبلة الاسلام مكه ومكه عانها
انت لوأ نشدك ويشنهي شروط الصلاه=تبتلش ماتعرف شروطها وركانها