السلام عليكم ورحمة الله وبركاته

بيتين نبي راي الربع فيها ....

بين الغلا والبعد والوقـت والشـوق=ضايع مابيـن الأربعـه فـي غيابـك
حرام من بعدك ولا حـرف منطـوق=إلا الحـروف اللـي قريـت بكتابـك
اول ثقيـل وتالـي الوقـت مطفـوق=ماغير اجضض كل ما المـح سرابـك
في غيبتـك ماللزمـن يالغضـي ذوق=كن الهنا من يوم رحت التـوى بـك
في غيبتك والدمـع متولـج المـوق=حسبي على اللي من يدينـي غدابـك
دمعي عزيز ولا نزل لجـل مخلـوق=وارخصت دمعي لجل حظرت جنابـك
مدري متى دمع الوله يرتفـع فـوق=وينـزل بدالـه دمـع فرحـة لقابـك
مدري متى شمس الوصل تعلن شروق=واحظن على ذالصدر زهـرة شبابـك
مدري متى يصفالـي الجـو ويـروق=ويصير بـاب البيـت بابـي وبابـك
تعبـت اردد كـل مطـرود ملحـوق=مـدري متانـي بلحقـك وآهنـابـك
هذي دراما شوق عاشـق لمعشـوق=والعشـق كلـه ابتـدا وانتهـى بـك