سلام الله على من مرنّا كنه سحابة صيف = رفيع المنزل يورد يصدر .. هيف مدري صيف
عسى تثبت وجودك ثم نلقاكم ليالِ الصيف = عسى الله ينصر الإسلام ويعز السعودية

وين انت ياللي تقبل وتقفي = يامرحبا لاجيت في الحله
في بيوتنا وظلالها يضفي = في فيّته تظلل ابظله

هلا ياللي تسلم عند ربعك كاسبين الطيب= تحريتك ترحب بي وتبداني بورد وطيب
ولكني وجودي مثبته في غصب والا طيب= عسى الله ينصر الاسلام ويعز السعودية

لو يوم اجيكم بالشهر يكفي= دام البقا ياهل الوفا كله
يالله عسى الجمه لكم تصفي= كل ٍ عرفنا دقه وجله

انا ماقول فيك اقصور لكن كاركم ثاني = وترى به فرق بين ابن سعود وبين ابن ثاني
والاول عمر الاول ما يجي يا صاحبي ثاني = عسى الله ينصر الإسلام ويعز السعودية

من شان ما ضيانكم تطفي = ياللي تعقد الحبل وتحله
وان عودت بمزارق الشلفي = ما عندنا ألا صالي المله

اهلاً بك وحياك الله بأي وقت يارفيع المنزال


وأنا مدري يمكن ما أقدر اتواجد الليله ,, لكن إمّا ان نكمل هذا الطاروق في مابعد أو يكون بيننا طاروق جديد بمشيئة الله تعالى

وأشكرك على قبول الدعوة

الجذع والزايدي


نشكركم على مروركم الكريم ولاهنتوا




تحياتي لكم

ونعم ٍ يالرجال اللي نميزها باساميها=ياعلك تكسب الاولى او تحاول تساميها
ترانا ماعرفنا الناس حاميها وساميها=عسى الله ينصر الاسلام ويعز السعوديه

الظاهر انه غركم لطفي=وانا مااحب الميل والزله
مكفي بكل السالفه مكفي=الوايلي ماانته بقدن له

ترى ثلثين وايل هكر وباقي ثلثهم سوري = لكن ابن سعود اللي جعل سورك وزن سوري
وسامحني إذا أخطيت في حقك 'I am sorry' = عسى الله ينصر الإسلام ويعز المسلميني

اللي على بالك طلع ينفي = قربك ولا عادك بناخن له
حديتني للضلع والجرفي = يالوايلي قم صلح الدله

نسبنا ماعليه شكوك ياللي جبت ميــــــــــسورك=ترى ابن سعود هو اللي بنى سوري وزن سورك
ولو جينا الحقايق مالك الا السور كل سورك=عسى الله ينصر الاسلام ويذل المعاديني

يبغى الفتنه نيرانها تطفي=ماهو عتيبي ضايع ٍ دله
عند ابن وايل مانته بمعفي=خادم وترضى الهون والذله