ياسلام الله على كل الحضور من الرجالي=ثم بعدها ياهل الصمله وعشاق المساري
كل رجالن يصوب ناظره يم العلالي =واستعدوا للمهمه وافتحو باب الطواري

مرحبابك يالمسلم عد براق الخيالي=ثم بعدها عس دربك والاماكن والخباري
كان عندك علم هاته والحمول الها جمالي=يامدقق لا تصير اليوم رجال انتحاري

البقابك وانت صدق الظفر حماي التوالي=يوم شردان العرب هجو قمزت وجيت ساري
السوالف لو اعددها يضيق ابها المجالي=ما تغلق لو اسولف من ضحي ليا العصاري

من تياسر عنك خله جعل زوله للزوالي=تبعت المقفي معيبه كان فيها اليوم داري
كم من الدنيا شربنا كاس مر وكاس حالي=وان بغيت العون قمنا بالسيوف وبالشباري

خل ربعك كلهم دايم سوى والكل غالي=وانشطار الذره اسبابه من الضغط الحراري
لاتسما بسم روق اسمك هذا ثقل الجبالي=كيف تقدر تنقله يتعبك ياذيب الغداري