اسر ياعيد والمسرى بعيد بعيد=والنجوم البعيده كلها دونه
عطني العلم في حبيب وولد عبيد=وابوريان لاقاموا يطرونه

لازهمنا العصيمي مانجنّب حيد = اسر والذيب قدمك تضرس اسنونه
صفوة آلاد روق اللي تجيب الفيد = خصمهم فالمواقف تكثر اديونه

اسرد العلم مايحمضني التقصيد=الجنايز مع الأكفان مدفونه
راحوا القوم بين الرفض والتأييد=والعصيمي حميا جنت جنونه

القضيه بعد ماعمر قابل زيد = الحقايق بدهن العود مدهونه
وين هي عن حزام اللي يفيد الصيد = ليه في ماقف الرفعه تخلونه

ارفع العلم للتمييز فالتهديد=في حكمٍ يقص الراس بمتونه
ماعلينا صعيب ولاعلينا جهيد=مار عقب التعذر وش تسمونه