الهيـــــــــــــلا *** منتدى قبيلة عتيبة

[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
شريت لكزس ونوع اللكزس صغيره = ولاتستويلي ولا أشريها ولا أركبها
لاجية اسير بلشت وطالت السيره = دلوعةٍ كيف انا مع البر ابسحبها
لو أعطي البر تغريزه وتدقيره = اما أندفن بطنها و الاشواربه
وشرية جيباً قليلات تغاييره = حراً مخاليبه أطلق من مخالبها
لكزس تماتيك للبران والديره = يازين مشيه مع النفد ومعاشبها
لياء مشى وانتهض ثم أعتدل سيره = شيهانةٍ للمطير ارخت مناكبها
يعجبك لولع الاكباس والنيره = له مذهبٍ ما يطابق مذاهبها
الليزر النور والشاشات وانبيره = براق وسميةٍ هلت عقاربها
وطبلونه العاج والنيكل ازاريره = مناسبٍ حجمها واللون ناسبها
والسلف نقره ولايحتاج تدويره = عطه الاشاره ويشعلك مشاهبا
والهدروليك يزيد في رفعه وتشهيره = اليا أنتهض كنه اللي براس مرقبها
وفيه الدبل زودو فنه وتطويره = خفيف ومثقل ودفلك يجاذبها
مع الصحاري يبوج الدرب ويسيره = يمشي سهلها ويمشي مع مصاعبها
وفيه الدليله ليا جاء الراس تدويره = لا تلتفت للجبال ولا زرايبها
يمشي على الخارطه ويلوح بانبيره = تحديد موقع من الاقمار يجذبها
دليلتن ضبطو دقة معاييره = واقرب نداء وده رجالٍ يخاطبها
يبعدك من دارٍ ويقربك من ديره = لياء مشى يطوي الارض ومناكبها
وصلاة ربي عدد وابل شخاتيره = على محمد عدد ذاري هبايبها
[/poet]