سلام ردية تصرف من البوك = للعازمي نبتديها وانحداها
يالعازمي خل باب البيت مفكوك = والسلعه الغاليه تجزا علاها

يالراجحي لو مليت الارض ببنوك = ترحيبتي ماتعادل مستواها
اختار درب السعه والا على الشوك = فالحله اللي تنومس من نصاها

الله واكبر ورا في قلبك اشكوك = الناس من عصرها صعبٍ رضاها
يالعازمي خلها تمزيح وضحوك = بعض العلل فالزمن يصعب دواها

حبل الشقا يالعصيمي كان متروك = لكن بعض العرب قطّع يداها
اللي على المزح والتضحيك وصّوك = السلعه البايره محدن شراها