سلام لو ان المغيبه طويله = من هاجس(ن) لامابغاها وجدها
مبطين عن بني البيوت الثقيله = ام الجسور اللي عزاز(ن) عمدها

يا مرحبا قول العميل لعميله = ترحيبة(ن) ما مثلها في بلدها
جينا نبا نسمع بيوت(ن) جزيله=والناقصه لا رحم ابو من ولدها

حييت ياراع الجيوب الاصيله = مواقفك تعرف ولاحدن جحدها
تذكر سواليف الف ليله وليله = ياطيبها لومالحقنا رغدها

مواقفي كل(ن) وجاله دليله = ومثبته فصدورنا مع سندها
ماهي سواليف العجوز الهبيله=اللي تملحها بفمها ويدها!

ياللي هبدت الصدر تبغا الجميله = بعض السحايب مايدندن رعدها
مادام ماللثلب عزم(ن) يشيله = هدرته وهو بارك امر وادهى

الله يعينك يالعقول الضئيله = يالله حجايا جدتك تعتمدها
جتكم من الحره صقور(ن) مهيله= لا اصبحت في ديره تجي وتهجدها