في حفلة الأسطوره اللي مبتداها بالسلام=الخصم عود في دواليبه يشيل الأربعه
والحربي اللي ما حضر فالمحتفل ,,حسب النظام=مع كل طلعه للنصر ..يفرك عيونه باصبعه..!!

في حفلة الأسطوره النصر السعودي يا سلام =من كل نادي جاب لاعب طيب وحطه معه
دام الدعيع من وراكم والعراقي بالأمام =لا تفتخر بالاربعه مامن هجومك منفعه

أنته تقوله يالحريبي ..مار أظنك ما تلام=بمشاركة ماجد تقول النار فيك مولعه
يالله عسى وقت الدعيع ياعميلي للرحام=راح الزمان الأولي.. واللي بقى للجربعه..!!

ياصاحبي ماجد ترا يبكي و له عشرة عوام=حتى خدوده من دموعه ياصحيبي توجعه
ياكبرها ياعبرها حرام يالطيب حرام= رقم حسابه للجماهير الغفيره وزعه