الهيـــــــــــــلا *** منتدى قبيلة عتيبة - قصيدة مهداه لأمير قبيلة الشيابين

قصيده مهداه لامير شمل قبيلة الشيابين الامير سلطان بن ماجد بن فهيد من الشاعر منصور بن شعوان الشيباني الملقب بـ منصور الغازي وان شاء الله تنال على رضاكم

لسماع القصيده بصوت شاعرها اضغط هنا

تنومس ياقصيـدي ورفــع الرايـه وانا منصــور
نصتنـي طنخــه الفرحــه لبن عمــي وتنخانـــي

تناولـت القلــم في يـدي اليمنـى بدون اشعــــور
اعبـــر كيـف اعبـــر والفــــرح كلــه تغشانـــي

عليك تصخـــر المعنـى واذا ضاقت علي الــدور
ابعثرهــــا وجمعهــــا وركبهـــا علـى اوزانـــي

بلبـي طنخه الفرحـه وبرضي خاطــر الجمهـــور
وقوله با المقام اللي يجـي شانـه ضمن شانــي

افرحبه كثير اصــدور ولو ضاقت علي اصـــدور
اعــلاج المـدوي الكيّـــه وســوره آل عمرانــي

عليك البيض ياسلطـان ابن ماجد حكيـم الشـــور
مقامـك تـــاج وحضـورك ينـومس كـل شيبانـــي

حفيد انته لخو شرعا وخو شررعا علـم مذكـــور
علــم نـبــراس للهيــــــلا بنـى للسـاس عنوانــي

علـم مرفوع بـا العليـــا عليه اسـم القبيلـه نــــور
علـم عبـدالعزيــز اثنـــى عليــه امزبـن الجانــــي

على نهجـه مشيت ولاحصل فيمـا مشيت اقصــور
على نفس الخطى تمشي ضمن حضر(ن)وبدواني

عطـاك بيـدك اليمنـــى ختـــم شمـــل القبيلـــه دور
وعطـاك القايــد الاعلـى ختـــم للفـــوج سلطانـــي

لك الهيبــه علـى معنــى ومن زودك تقـط الســور
على نـاس(ن)تشيــل ابشوتهـا من غير عنوانـــي

يا سلطان التفت ليمين ثم ايسار جـــاك احضـــور
تشــوف اشلـون لبينــــا نــداك انجيــك من دانـــي

لــو الدنيــــا تشتـتـنــا احــد لاهــي وحــد مجبـــور
علـى الوقفــات لمتنــا قلـوب اصحــاح وخوانـــي

شيابـيـن انتعـوذ مـن غثــى الشيطــان والمدحـور
واذا ضقنـــا تعــوذ مـن غثانـــــا كـــل شيطـانـــي

عليك البيض يا سلطــان ابن ماجـد حكيـم الشـور
اميــر انتــه وبــوك وجــدك الاول علــى الثـانـــي