اليوم هاجوسي وشعري ولقلام = صفت تحيي أهل العلوم الجميله
اللي على درب الوفاء نالت وسام = عتيبه الهيبة تشل الثقيلة
تشهد لهم مهر لها سرج ولجام = لي ثارت الهيجاء نهار الهويله
يوم الردي ماشلته روح وعظام = لابارك الله في النفوس الذليله
وانتوا هل الطولات بالشرق والشام = تشهد لكم بيض السيوف الصقيله
عز الخوي لي كشرت سود ليام =وفزعاتكم تبري الكبود الغليله
أي والله الهيلا لكم سبعة انعام =وللطيب منبع سايغ سلسبيله
قوم(ن) تعلوا صهوة المجد قدام = قوم رقوا حد السماء كل ليله
قوم(ن) تحب الضيف وتحب لكرام =لما نزل في حدهم تعتني له
العود لزرق فوقهم بالسماء حام = والبن الاشقر فايحٍ زنجبيله
مجالس فيها عزيزين وحشام = يرتادها اصحاب الفضل والفضيله
تحرم على راعي الردى كل نمام = ماتنقبل فيها العلوم الهزيله
هذا وانا نجران همدان من يام = وكل(ن) على ماقيل يذكر دليله
يام الشجاعة والوفاء درع وحزام=عهد الوفاء تبنيه ماهي تزيله
وقشنوني من لابتي كل مقدام = وباقي القبايل كالقصور الظليله
وحنا العرب ولنا الفخربين لانام = والله ذكر فينا العلوم الجليله
وافخر بدار فيه خدام لسلام = ال السعود معدلة كل ميله
ال السعود اللي بهم كل ظرغام = اهل الشجاعة والرجال النبيلة
في عصرهم عشنا الامن بين لقوام = وصار الترابط في ديار وقبيله

المشاركة الأصلية كتبت بواسطة بناخي الايداء (المشاركة 649075) حسين القفيلي صح لسانك على القصيده الجميله وبيض الله وجهك ونعم والله في قبيلتك يام واليامي معروف بالشجاعه والكرم والطيب تحيتي