سلام عداد السحاب اللي ترزم ونهمل=أغاث به ربي ديـار ربعـت به نوقـها
أشعيل بارك للحمل والحمل في ظهرالجمل= واللي يدور سلعةٍ يهبط لها في سوقها

دام البقا والله سبحانه يجازي بالعمل= أعلم ترى ربك يوفي كل نفس حقوقها
واللي سعى للشر خاسر فالنهايه ماجمل= أيساعد الكافر وواقف للعرب فحلوقها

كل يعيش وفالنهايه يرغب يحقق أمل= جنة عدن شوق الرجال اللي تحقق شوقها
اللي صمل في عبادته واللي لعله ماصمل= تال الزمان أشوف أنا العالم يامكثر بوقها

سلام عداد السحاب اللي تـرزم ونهمـل=أغاث به ربي ديار ربعـت بـه نوقهـا
أشعيل بارك للحمل والحمل في ظهرالجمل=واللي يدور سلعةٍ يهبط لها في سوقهـا

يامرحبا رديتً تشمل هل الطاله شمـل=بشمال دار العز لين انك تجي لشروقها
خلت الغيوم العابره والغيم ماجا مكتمل=يالله عساها فاخر الرحله تثير بروقها

دام البقا والله سبحانه يجازي بالعمـل=أعلم ترى ربك يوفي كل نفس حقوقها
واللي سعى للشر خاسر فالنهايه ماجمل=أيساعد الكافر وواقف للعرب فحلوقهـا

لو تنتقص بعض الجمل لو تكتمل بعض الجمل=ليلى تراها ماتباعد عـن طـرف معشوقهـا
الله كامـل والبنـادم لـو يكـمـل ماكـمـل=واللي تبـث الحقـد يارجـال ربـي فوقهـا

كل يعيش وفالنهايه يرغب يحقـق أمـل=جنة عدن شوق الرجال اللي تحقق شوقها
اللي صمل في عبادته واللي لعله ماصمل=تال الزمان أشوف أنا العالم يامكثر بوقها