وليد فارس من رياجيـل فرّيـس=إيمثّـل الهيـلا قبيلـة عتيـبـه
وإمرشّح الفايـز بكـل المقاييـس=بأخلاقه و شعره و فعله و طيبـه
إن كان ما جا فالقضيّـه دحاليـس=المركز الاول خـذه مـن نصيبـه
يعيش كسّاب الفخر و النواميـس=اللي عطاه اللـه مكانـه و هيبـه
قرناس من روس الحرار القرانيس=اللـي مواكرهـا بعـال الرقيبـه
على طريقة مبعديـن المراميـس=ينشا الولد حتّى يجي عود شيبـه
إركب ودرّسهم على الخيل تدريس=معهم كأنك صـرت قايـد كتيبـه
البيت ما يبنى على غير تأسيـس=وانته جدودك فالحيـاه الصعيبـه
خذوا على ظهور الاصايل مراويس= لا هي عليك انته بعدهم غريبـه
فرّيس نمراً فالملاقـاه أشاويـس=إتقنّـع الغـازي ثيـاب الغليـبـه
وان صبّحوهم مع حتون الغطاليس=أخصامهم تنـزل عليهـم مصيبـه
وحنّا نكرّس جهدنا معك تكريـس=وإن قـال الله اللقـب تاتجيـبـه

فرّيس نمراً فالملاقـاه أشاويـس=إتقنّـع الغـازي ثيـاب الغليـبـه
وان صبّحوهم مع حتون الغطاليس=أخصامهم تنـزل عليهـم مصيبـه
وحنّا نكرّس جهدنا معك تكريـس=وإن قـال الله اللقـب تاتجيـبـه