مرثية في الشيخ عبدالعزيز ابن جامع رحمه الله (( حاتم الهيلا ))

يالله ياللي لعبدك لادعى ســـــــــامع
تجبر عزاء لابة عتيبة بابن جــــــــــامع
اللي يعز الرفيق ويقمع الطــــــــــامع
كل القبيلة بوقفاته يعرفــــــــــــــــونه
شيخٍ نهج منهج الأبطال والسـنــــــــة
والبيض ماظنتي مثله يجيبـــــــــــــنه
أنا أشهد إنه فقيدة جعله الجــــــــــنة
اللي باسم حاتم الهيلا ينـــــــــــادونـه
الله يجازيه بالرحمة ورضــــــــــــــوانه
وجعله مع الرسل والأبرار مســــكانـه
في رحمة الخالق الباري وغفــــــرانه
بيمناه يأخذ كتابه يوم يدعونـــــــــــــه
والله يعوض القبيلة فيه بعــــــــــيالـه
اللي على سيرته ساروا ومنــــــوالـه
قدامهم دربه المأثور وأفــــــــــــعالـه
تاريخ أبيض على الصفحات يقــــرونه
جامع وسلطان ومـــحــمــد وعبدالله
وفهد وعمر رجانا والرجا باللــــــــــه
ماضيعوا سنة محمد ودين اللـــــــه
نفوسهم عن دروب العيب مصيــونه
مثل الجبال الشواهق في قبيلـتهم
وعند القيادة على القمة مكانتـــهم
ومع القبايل ورى المريخ سمعتــهم
يسعون للطيبة والعهد يوفـــــــــونه
عبرت عن بعض ماكن لذوي جامـــع
اللي بكل الجزيرة صيتهم لامــــــــع
والمعذرة كان جاء تقصير ياجامــــــع
وصلوا على اللي هل الملة يحبــونه

الشاعر : سلطان بن غزاي الثبيتي العتيبي

ــــــــــــــــــــــــــــــــــــــــــــــــــ ـــــــــــــــــــ
صح لسان الشاعر
والله يرحم الشيخ