دخيل عيونك النعسى دخيلك يانظر عيني = دخيل الجمرتين اللي طعمها كنه التيني
وراها لبتسم برق ٍ الثمان ا للي بلون الثلج = عليك الله ياسيد الصبايا كيف مقصيني
حبيبي لا تعذبني كفاني الخافق المجروح =اعيش بجرحي الغاير ولاشفتك تداويني
ثلاث سنين مابين السهر والنوح والحرمان = ولهيب الشوق والفرقى وهم الوقت يطويني
أفكر فيك لي جاء الليل ثم غاب القمر والسهيل = افكر فيك واذكر كل شيء بينك وبيني
نسيم الليل بلغها سلام العاشق الولهان = وإذا مريت في داره سلمها عناويني
عساها بعد ماغابت تعود لعاشق تايه = مابين الحظ واحلام الغرام اللي تناديني
وآذوق من الهناء لحظة بعد ماغابت سنينه = ويبرى جرحي المزمن إذا جاني يداويني
يهديني بشوفه بعد ماطال الفراق سنين = وتنبت شجرة للحب تسقيها شراييني
هلابك يابعد عمري اصدق قلبي الهائم! = هلابك هل عيوني شافتك يامن سكن عيني؟!
عسى ماني تخيلتك وحلم الليل يلعب بي = وجاني طيفك العابر يعذبني ويشقيني