|
تعليمنا في ( خطر Xخطر Xخطر )
قصص حدثت لي في المدرسه
كلهـآ تحكي الواقـ ع المرّ للمعلمين لدينا في الممكله العربيه السعوديهـ القصة الأولى " حقد مدرس علي بسبب غريب " .! في احد ايام الأسبوع كان علينا حصة من حصص اللغه العربيه وكان المدرس اخلاقه سيئة للأسف قبل الشرح بدقائق تحدثت انا وزميلي بصوت خفييف جداً فقأل لي بالكلمهـ الواحده ( أوقفي ) ..!!! انا وقفت وقلبي كله قهر على كملة ( أوقفي ) .. انا مشيتها بعد الحصه رحت لمه وقلت له يا أستاذ تراك غلطت علي قالي ليش؟ قلتله يوم تقولي اوقفي ..! ويظحك ظحكه فيها شوي من السخريهـ قالي يعني انت ماتقبل المزح الي كذآ ..! قلتله لاعادي بس لو قلتها وانت تضحك عادي اما وانت معصب ومكشر ..! كذآ لآ ..! قال خلاص زين مشت السالفهـ وبعدها بأيام بدآ كل ماشافني اتكلم مع صديقي يقولي ( إيه وتزعل إذآ هاوشتك ) انا بكل قهر ما أرد عليهـ دايم يقولي كذا وأخر مره قالي هالكلمه اليوم وكان ماصار شي ..! ونفس المدرس كان عندنآ درس يتعلق بالحريم يعني هو موجهه للحريم المدرس شي عادي انه نقز الموضوع لآنه مو مخصص للعيال جا طالب بكل إستهبال قال للمدرس يا إستاذ نطيت الدرس ..! قال انتم منتب حريم ولا رجال انتم,, ماودي اقول والله إحترام لبعض الطلاب ..! ومن أقواله القذره تعودنا منه انه يسب عادي مره قال : ياحمار قفل الدريشهـ ..! ومره قال : ويين حنا بحديقة ( ح ) مسوي محترم وياما وياما قال بس هذا الي أذكره . وعدنا مدرس غيره دق جواله ونغمة أغاني ونشوف وجهه تقلب مليون لون ..! بعدين طلع ورد ودخل على الفصل وقال اووه شباب معليش هذا واحد غالي علي ولازم احط نغمة مميزه له قاله طالب طيب تحط اغاني ! قاله كل تبن بس ..! وللأسف هذا حال نصف مدريسنا !! أين انتي يا وزارة التربيه والتعليم عن المدرسين مثل هذا..!!! |
لاحول ولاقوه الابالله
فعلا اين دور وزاره التربيه والتعليم عن هؤلاء الذين يحسبون على التعليم الف شكر لك يالجريسي محبك , |
مشكور عبدالله الجذع على المرور
|
مشكور وما قصرت ومن ناحية المدرسين اسكت ولاتدقق والله تتعب ..
مثلاً انا عندي ولد انا خاله وهو طبعاً يتيم يدرس في الابتدائي صارت له مشكله مع واحد من اصدقاه وطبعاً تعرفون مشاكل البزران واجد المهم جاء من نفس اليوم بعد المشكلة خبًر الولد الثاني ابوه بالي صار له بعدها اتصل الأب على الوكيل لانه يعرفة وقال الوكيل للأب من باب المعرفة احضر بكرة وانا اخلي الولد الي هو اليتيم يتعذر منك ومن ابنك !!!! حضر الأب اليوم الثاني للوكيل واحضر الوكيل اليتيم المهم قعدوا يطالبون اليتيم الوكيل والأب قدام ابنة وبعدها قال الوكيل حب راس عمك لليتيم !!!! المهم اليتيم معًودينه على عزة النفس والشجاعة وطالع على ابوه الله يرحمة المهم اليتيم رفض يحب راس ابو الولد وبعدها انهو الموضوع بعد ما مرمطو اليتيم .. المهم اخبرنا اليتيم بالسالفة وذهبت انا واخي للمدرسة وحسناهم فوق تحت وبغت توصل إلى وزارة التربية والتعليم لأن مو من حق الوكيل او المدير احضار ولي امر طالب ومناقشة الولي الأمر لطالب آخر .. بعدها اعتذروا واعطوا اليتيم هدية بعد ما تحطم والأن اكمل إجراءت لنقله إلى مدرسه اهلية ... (((المعذره على الاطالة لاكن فتح اخوي عبدالله الجريسي الموضوع وذكرت ماحدث لليتيم من تعامل سيء ))).. |
ايه والله انا اتذكر ايام الثنويه واقول الله لا تعيدها علي من كثر ما شفنا انا واخوياي من الظلم
والله يعين الطلاب على المدرسين الي جايين لجل المال واقول الله يوفق كل استاذ مخلص في عمله ومشكور يالجريسي اخوك ابو عابد |
والله بعض المدرسين أنهم لايستحقون حمل هذه الامانه ..
|
مشكور ابن محماس العصيمي على المرور
|
مشكور كامل الذوق على المرور
|
مشكور دوسي زهراني على المرور
|
مساء الخير
ألف شكرلك أخوي على طرح موضوع مهم مثل هذا الموضوع صراحة للاسف الشديد حال تعليمنا من سيء الى اسوء دعونا نتكلم بصراحه كيف تريدون من المعلم ان يعطي ويتفانى في عمله واغلب حقوقه مسلوبه لا يتم تعيينهم على المستوى المستحق هيبتهم مسلوبه جميع القوانين في صف الطالب أصبح المعلم ياتي للمدرسه وهموم الدنيا جميعها فوق رأسه حاضر في الفصل وتفكيره مع سيارته في الخارج سيارته التي دفع فيها دم قلبه يأتي احد المراهقين ويفعل فعلته فيها كل يوم نقرأ في الجرايد أعتداتات الطلاب على معلميهم انا لا القي بالوم على الطلاب بل على وزارتنا وقراراته الطائشه ايضا حال المعلمين ليس باحسن حال من طلابهم ولكن المعلمين نتاج ماسبق اسف على الاطاله ولكن الكلام في هذا الموضوع لا ينتهي وترك المجال لغيري |
| الساعة الآن »12:46 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd