هلا بالرفيق اللي حميده سجاياه = رفيق(ن) دروب المرجله ماتكوده
احب الجذع سلطان حب(ن) من الله = لكنه تكبر عقب كثرت نقوده

يدوم البقا باللي على الطيب ممشاه =ولاهي غريبة جايته من جدوده
ترى العد مايبخل على الظامي بماه =كلامك خطاء يابن صقر لاتعوده

سلم قلبك الطيب وسلمت نواياه = لوانه على قولك مايخلف عهوده
ياليت الذهب سلطان دسه بمخباه = لايدرون عنه اهل القلوب الحقوده

ليا جت لك الدنيا على ماتمناه =تحل الحبل والا تزود عقوده
رفيقك يبا يعيطك يوم الله أعطاة =وذكر الله يلد العيون الحسوده

انا دونكم بالسيف والماقف احماه = ومثلي لاتجحد يالعتيبي جهوده
ياشيخ الشيوخ اللي على حيد مركاه = نخرت العظام القاسيه نخر دوده