أصفر مع اصفر ليت محسن يشوفه= توّه على حد الغرض ما بعد لمـس

أربع ليالي مرقدي وسط جوفـه =البارحه واليوم وامس وقبل امس

قالـوا كـذا مبسـم هيـا قلـت لا لا=بين البروق وبين مبسـم هيـا فـرق
ويالله بـنـوٍ مـدلـهـم الـخـيـالا=طافح ربابه مثل شرد المهـا الـزرق
لا جا علـى البكريـن بنـا الحـلالا=ولاعاد لا يفصل رعدها عـن البـرق
يسقي غروسٍ عقـب ماهـي همـالا=وحط الحريق ديار الاجواد لـه طـرق
يسقـي نعـامٍ ثـم يـمـلا الهـيـالا=ويصبح حمامه ساجعٍ يلعـب الـورق
جريت انا صـوت الهـوى باحتمـالا=في وسط بستانٍ سقـاه اربـعٍ فـرق
طبّيـت مـع فـرعٍ جديـد الحـبـالا=وظهرت مع فرعٍ تناوح بـه الـورق
روشـن هيـا لـه فرجتيـنٍ شمـالا=وبابٍ على القبله وبابٍ على الشـرق
مبسـم هيـا لـه بالظـلام اشتعـالا=بين البروق وبين مبسـم هيـا فـرق
بـرقٍ تـلالا بأمـر عـز الـجـلالا=واثره جبين صويحبي واحسبه بـرق
يا شبه صفرا طـار عنهـا الجـلالا=طويلة السمحوق تنزح عـن الـدرق
له ريق احلـى مـن حليـب الجـزالا=واحلى من السكر الى جاء من الشرق
حنيـت انـا حنـة هزيـل الجـمـالا=ينقض ردي الخيل قد حسـة الفـرق
ويـا قلتـةٍ فـي عاليـات الجـبـالا=ماها قراح ميـر مـن دونهـا غـرق
ماعـاد للصبيـان فيـهـا احتـمـالا=من كود مرقاها يديهـم غـدن طـرق
قالوا تتوب مـن الهـوى قلـت لا لا=الا ان تتوب ارماح علوى عن الزرق
قالوا تتوب مـن الهـوى قلـت لا لا=الا ان يتوبون الحناشل عن السـرق
قالوا تتوب مـن الهـوى قلـت لا لا=الا ان تتوب الشمس عن مطلع الشرق