انثريني مشاعـر واجمعينـي غـلا=
واغمريني محبه واحتوينـي حنـان =
الترف والنعومـه والدلـع والحـلا=
قبل اعرفك مجرد حلم في ذالزمـان=
دوب قرّت عيوني دوب قلبـي سـلا=
اثرني كنت ضايـع يالله المستعـان=
كنهايـوم شافتنـي وقالـت: هـلا=
حررتني من قيودالزمـن والمكـان=
طفلةٍ واشغلت معها قلـوب المـلا=
كن ربي خلقهـا مـن دلال وليـان=
كل ماخصرها قـام يتثنـا عـلا=
قلت توي عرفت شـقصة الخيزران=
وكل ماسلهمت بالعين ريـم الفـلا=
قلت صبراً جميلاً والحيـاة امتحـان=
وكل ماسولفت لي والسوالف..حـلا=
هرج ماهوب مثل الهرج سحر وبيان=
ذاب قلبي على صدري حنيـن وولا=
مثل ماذابت الشمعه على الشمعدان=