شربة الي من صافي الجم قرطوع=شاعر ولي غايه وقصد ٍ مرومي
اخاوي الطيب مع الدرب ماتوع=اشفق على خوت ارجال ٍ اقرومي
حبلي مع اهل الطيب مثني ومربوع=وامشي على وضح النقاء في علومي
ماني قصير اشبور والحبل مجبوع=عندي طموح وفالمواقف هجومي
اميز الكلمه ولا مشي على الطوع=اقنع خصيمي في بحرها وعومي
وعط الخصم بالكاش حاضرو مدفوع=ضرب المعاني مثل ضرب السهومي
مدام حبل الوصل بالغير مقطوع=حنا ماننسا اهل الوفاء وسلومي
وانكان فيها كبر والكبر مطبوع=الكبر يا سلمان سلم الرخومي
خله يولي يضرب القاع مصروع=تراني من دونه مقضي لزومي
شاعر واعبر عندي الكذب ممنوع=وخشم الخصم مني تراه امخرومي
اخوتي صعبه مثل حبة الكوع=عليك يلي يدك بالضل تومي
اشاور العقال والراس مرفوع=واخاوي اللي ينقـلون الختومي

المشاركة الأصلية كتبت بواسطة عبدالله الجـــذع (المشاركة 634649) الله اكبر شامان لله درك يامبدع قصيده جميله جدا لاهان راسك وصح لسانك ودام ابداعك يالقرم ننتظر جديدك يالغالي محبك ,’,

صح لسانك..ياشامان ..

قصيده جزله من شاعر جزل..