يـا اللـي مـن الاعمـاق للشيـخ تنعـون=بـعــد رزتــكــم فالـفـقـيـد الــــروازي
يالابـتـي فــي شيخـكـم مـــا تـلامــون=الـنــادر الـهـيـلـع ثـقـيــل الــمــرازي
شـيـخ ٍ يـبـا يبـطـي وربـعـه بيبـطـون=طــاو ٍ ضمـايـرهـم عـلـيـه الـنـحـازي
ليت البشر عن نعـي الامـوات ينهـون=الا فـابــو خــالــد ومـثـلــه مــجــازي
لـو البـكـا مــا يحـيـي الـلـي يمـوتـون=لـكـن يـبـيـن حـجــم قـــدر الـعــزازي
طبع البشر عن بعض الاموات يسلون=قــــدام لا تـكـمــل ثــــلاث الـتـعــازي
ومثـل فقيدتنـا مـن الصـعـب ينـسـون=ومهـمـا نـعـزى فـيـه مـاحـد ٍ بـعـازي
شيخ ٍ ورث مجدا ً له احقـاب وقـرون=مـجـدا ً بـنـوه ابـــاه يـــوم الـمـغـازي
صـرح ٍ لــه قـبـاب رفيـعـات وركــون=مثبـت ٍ ساسـه علـى ارض ٍ عــزازي
مــن الـزوابـع والاعـاصـيـر مـامــون=دب الدهـر مـا صــار فـيـه اهـتـزازي
شادوه سـادات ٍ علـى المـوت يـردون=وعـلـى عـداهـم يـاخــذون امـتـيـازي
رجالهـم لا طــب فــي سـاحـة الـكـون=مــن الصـطـر كـنـه بحفـلـة جـــوازي
ويحـجـون بـايـام الشـدايـد ويـقــرون=لا صــار بـديــود المـنـايـح غـــرازي
واحفادهـم مـع درب الاجـداد يمـشـون=مـا جابهـم عـن سلـم اهلـهـم نـشـازي
وتاريـخ ابـو خالـد بالامـجـاد مـقـرون=كـلـه لـنـا مـجـد وفـخــر واعـتــزازي
من اللي عن حياض الكرامه يـذودون=ولهفـوة الصاحـب مـاهـوب انتـهـازي
مـن طبـع ابـو خالـد مثـل مـا يقولـون=بالطيـب يـجـزا بـالـردى مــا يـجـازي
يمـلـك مـكـارم حـاتــم الـلــي يـعــدون=وعلى احنف بن القيس بالحلـم فـازي
وسره عن الادنـى والاقصيـن مكنـون=ولا يستـمـع دقــة جـويـزي وجـــازي
ماهوب جسم انسـان فـي شكـل بالـون=ويــدار بالريـمـوت مـثــل الـجـهـازي
والنـاس عـن دانيـه واقصـاه يــدرون=صـنـدوق ســره مـثـل درج الـقـزازي
ويـوم ارتحـل عقـب لنـا كــل دنــدون=شـبـول لـيـث ٍ غـابـهـا مـــا يـهــازي
بالطـيـب وبلـيـن الـجـنـاب يـتـمـارون=وافعـالـهـم لـفـعـال ابـوهــم تــــوازي
عسـى ابـو خالـد بيـن جنـات وعيـون=ويفـوز حـيـث الاتقـيـا الـهـم مـفـازي
وصلوا علـى الهـادي عـدد مـا يلبـون=ومــا هـــل نـــون بـارقــه فالـعـيـازي

المشاركة الأصلية كتبت بواسطة ابومشعاب (المشاركة 631440) الله يسلمك ياشاعرنا فهيد الرويس:) وشكرا لمرورك الرائع .. ...