سلام الله سلام(ن) مايليق الا على راعيه = اقوله من هجوس(ن) صادقه ماهيب كذابه
انا ياوين بلقا الي يجيب العلم ويوديه = على قول العوارف ينتبه ثم ياخذ احسابه

هلا يا مرحبا ترحيب والترحيب الك نثنيه=اقوله من هجوسٍ صافية ما هيب نصابه
انا جيتك وعلمك يا ولد عجل لي بصافيه=وكب علوم تزعلني وتزعل ربعك عتابه

يدوم ابك البقا بعطيك من عندي ذهب وجنيه = يبي يرضيك علمي يابيض الشارب وترضابه
ليامنه سرى الساري وليلي ماسرى ساريه = انا مثل الاسد من تحت حكمه نمر وذيابه

نحلل هرجة الرجال وبمضونها نجزيه=وعلمك يا ابيض الحاجب بعد تسطيره اقرا به
يبين بتالي المشوار لا مثله ولا تحاليه=تركد وانتبه والزم زهابك قبل يسرا به

يقولون الحيا متبوع ويسر العرب طاريه = عسا ربي يعودك ياربيع اللي مشينابه
لزوم ابين المعنا الين اتشوف واغطيه = لعلك ياعميلي تنتبه للسيف ونصابه

صحيبي غير اللهجة وانا عنها سبق ناهيه=ترك قولي وانا اللي قلت له امش وتقدا به
قرينا في قوانين العرب واليوم انا اقريه=عميلي يا عميلي كل قانونٍ انا ادرا به