يالله يلـي كلنــــا منــــك وإلــيـــــك =ما تـــآخذه منـــــا ومــــا بقيــت منــــــا
يـا واحداً كـــل البــــشر بيـن أياديك=أجبـــر عــزانـــا فــــي فــقـيـدة وطـــنــــا
ولا هــوب أنــا اللـي يابـوخالد مسميك=سمــاك أبـو متــعـب زبــــون الــمــجـــنــا
الـوافـي اللي مــاتــجـاهـل مسـاعـيـــك=عبداللـه اللــي يـدحــم الــــضـــد عـــنـــا
يــــوم الــعــزاء شــارك لــنـا في تعازيك=رغــــم أرتباطــه وانـــشــغالــه تــعـنــــا
عقـب الـوفـاء المــاضـي مهــوب متناسيك=جعــل اللــيـالي فيـــه مـــا يفجــعـــنـــا
والأســرة اللــي شـاركوا بالعزاء فــيــك =جـــو للمــواســـى فـيـك مــنـــا ومـنــا
مـرحوم ياشـيـخ قبـيـلتـك تــغـلـيـــك=وتــشــكــر جـهــود فـيـك مـا يجحدنــا
أقصــى القبيلـه كــنه أدنــــا بنيــخـيــك= مــيــزان عـــدل مـن رجـــح لـــه تــهـنـا
يـاكـثـر نـاس شـاملتهم حـسـانــيـــك=مــن صــافحــنــة بيـض اياديـك غــنــا
عـقـب المـتـاعب والضـمـا والتهاليك=هـــاذي فللهـم فــالمزارع تـــبـــنــــا
ويــاكثــــر مداحـك ويا قـل شانيك=ويـاكثـر صـداتـك للأخــصام عـــنـــا
واللــي مـن الأجنـــاب يســمـع بطاريك=أمســى بــعـــد فقــدك يــون ويــحـنا
وعــسـى عـوضـنـا يـوم قفت ليالـيـك =فالـسـتـه اللي سيـرهـم مــا تـونـــا
تـنـهـج بـمنـهاجـك وتـمـشي مماشيك=وتــدرى مشـاكلـنا وتقـدى ضــعـــنا
الســتـه اللـي رافعتهم مـجـانـيــــك =عــز القبيـله وومـرانا واهلــنـــا
انـتـه مناديـهـــم وخــالد منـاديـــك =وحــنــا بـعـد شــوف النتــايج ظـمنا
إن المـنـاهـج مع منـاهيـج أهـاليك=مـنـــاهـج رايــاتـــــهـــا يـــرفعــنـــا
وختــامــهــا الله بالتسـامـح يجازيـك=ويــحســن ختــامك يافقـيدةوطــنــا

المشاركة الأصلية كتبت بواسطة عبدالله الجـــذع (المشاركة 626421) الله الله.. الله يرحم الشيخ ويسكنه فسيح جناته رثائيه نادره وصح لسان الهرم عبدالله بن عون بيض الله وجهك يافهيد محبك ,

المشاركة الأصلية كتبت بواسطة فيصل المسعودي (المشاركة 626584) الله يرحم ابو خالد ويسكنه الجنه فقيدة للقبيلة والوطن ككل وصح لسان الشاعر الكبير عبدالله بن نايف بن عون على هذه المرثية الجزلة الواااافيه بحق ابو خالد رحمه الله نسأل الله الرحمه والمغفرة للجميع مشكور يافهيد يالغالي على هذا النقل المبارك تحياتي

المشاركة الأصلية كتبت بواسطة /عبد العزيز الجذع/ (المشاركة 626598) الله يرحم ابو خالد.. وصح لسان ابن عون.. مشكور اخوي فهيد على النقل..

المشاركة الأصلية كتبت بواسطة الرأي الآخر (المشاركة 626609) الله يرحم ابن جامع ويسكنه الجنة ... والله إنه فقيدة على القبيلة كاملة مهوب على الروسان .... صح لسان الشاعر عبدالله بن عون ...