الهيـــــــــــــلا *** منتدى قبيلة عتيبة - هذه المحاوره بين الشاعرين عبدالله مستور المسعودي ومطلق الثبيتي يرحمهما الله في عام ١٣

هذه المحاوره بين الشاعرين عبدالله مستور المسعودي ومطلق الثبيتي يرحمهما الله في عام ١٣

{المسعودي}

نهاية يوم ذي الحجه بداية ليل
من عاشور
=
هلا يامرحبا والمملكه بأحلى لياليها
=
انا ماهمني فالوقت لامطلق ولا مستور
=
مركبها على قمة جبل وتهز رجليها

{ الثبيتي }

انا اشوف المدافع فالمحاجي
والفرود ا ثور
=
يدوملك البقا وانته جملها وانت
راعيها
=
تقوله وانت محني في يديه حنيت الباكور
=
وانا اللي من قديم الوقت طابخها وشاويها

{المسعودي}

عينت الشايب اللي لقمته ماوصلت الحنجور
=
فضيحه لن تفلها وان بلعها سمها فيها
=
منول ياذهبنا كنت في صندوقنا مصرور
=
وذلحينه تشالتك الحراميه باياديها

{ الثبيتي }

عينت الطرقي اللي شق قدره

شعلت الدافور
=
ليا جاته ضيوف الله يزري مايعشيها
=
وانا ماني بشايلي عصاتآ راسها مشكور
=
لكن التاجر اللي جابها لازم يوديها

{المسعودي}

ولا ياصاحبآ ماتشرب الا السكر المعصور
=
ديارآ مابها الا الشوك لو يسيل واديها
=
تصيح لها مع المغرب ويقهرها

طلوع النور
=
شدادآ فوق غاربها وحبلآ فوق اذانيها

{ الثبيتي }

انا اشوف السمن سايل من القبه ليا الزبزور
=
تصلح وجهها مير الكوايا في علابيها

محب الهيلا

لاهنت على النقل يالذيب

والله يرحم مطلقالثبيتي وعبد الله المسعودي

اقتباس:

المشاركة الأصلية كتبت بواسطة الفراهيدي (المشاركة 625600)

محب الهيلا

لاهنت على النقل يالذيب

والله يرحم مطلقالثبيتي وعبد الله المسعودي

مشكور على المرور وماقصرت

لاهنت اخوي محب الهيلا على النقل الرائع

اقتباس:

المشاركة الأصلية كتبت بواسطة فالح الهاجري (المشاركة 626141)

لاهنت اخوي محب الهيلا على النقل الرائع

مشكور على المرور

صح لسانك على نقل هذي المحاوره التارخيه والجميله

للتوضيح المحاوره كان في وادي النعمان تقريبا 1399 هـ

آخر محاوره للمسعودي رحمة الله

والله يرحم مطلق وجميع اموات المسلمين

محب الهيلا : ماشاء الله تبارك الله عليك . أنت قناص ماهر .

هذه المحاورة فعلاً هزت الساحة الشعبية والسياسية في ذالك الوقت

بتستغربون ليش قلت السياسية .. أنا أقلكم .

هذه المحاورة صارت في يوم 26/12/1399 هـ . قبل حادثة جهيمان العتيبي بعدة أيام . وكانت الملعبة بالقرب من مكة المكرمة .

وبما أن المحاورة أحدثت ربكة بالساحة الشعبية عرفها ناس لهم مناصب كبرى .

وبادرتهم الشكوك بأن للشاعرين علم بحادثة جهيمان قبل وقوعها وخاصة ً مطلق الثبيتي لأنه من قبيلة عتيبة أيضا ً.

وأستدلوا ببعض الأبيات:

نهاية يوم ذي الحجه بداية ليل من عاشور==هلا يامرحبا والمملكه بأحلى لياليها

والبيت :

انا اشوف المدافع فالمحاجي والفرود ا ثور==يدوملك البقا وانته جملها وانت راعيها

وتم التحقيق معهما في ذالك . وتبيّن أن ليس للشاعرين أي صلة وأن المعنى كان يدور على قصة وسالفة بينهم .

وهذا الكلام لم ألفقه من تلقاء نفسي ولكن سمعته من شيبان كبار وفي عدة مجالس دار فيها الحوار حول هذه الملعبة .

اقتباس:

المشاركة الأصلية كتبت بواسطة عبدالله حبيٌب الزراقي (المشاركة 626338)

يعطيك العافية على المرور والمعلومات

اقتباس:

المشاركة الأصلية كتبت بواسطة قادح شرار (المشاركة 626382)

يعطيك العافية على المرور

وتزويدنا بالمعلومات القيمة التي نجهلها

مشكور وماقصرت

محاورة قوية..

مشكوور يا محب..