يا خوي حنا مؤمنين وننتظر نفس المصير=اللي وصل له طيب الذكر وتوفي بسببه
ما للبشر عن قدرة الخالق منير ولا مطير=كل ٍ يقول الحمد لك ما جبت يا ربي جبه
لكن موت الطيبين من العرب يجرح ضمير=اللي يحبونه وكل عيال عمه وعربه
هذاك ابو مطلق وماله في مغانمها خشير=كساب طيب وطيّب الله فالمذاهب مذهبه
عساه بمنزلٍ مع من يحب والهاد البشير=في جنة الفردوس ينعم بين تينَه وعنبَه
رجل ٍ بشوش اليا حضر يفرح به العود الضرير=ما يبذله من مال يعتق له من الدين رقبه
بالجاه وجهه بالمواقف يفعل الشي الكثير=وان عودت للمال يدفع نصف ما يملك هبه
يعرف حقوق الضيف والجيران والعبد الكسير=كم واحد ٍ لاجاه قاصد دسم انفه وشنبه
شيال حمل ٍ ما يشيله فالقسى غير البعير=من غيره اللي تحتمل حمل البعارين ركبه
حاز المراجل كلها والعز يبغا له دبير=لو تنكسب بالهون صارت مرزق ٍ راح نهبه
لا تنشدون الاّ عن الفعل وترى مافيه ضير=هو الذي حطه على عرش المراجل ونصبه
مشهور في وسط الجزيره من بقيق الى عسير=وان جيت ابنشد عنه فالخرخير ما هانت ضبه
جاب الديار من اليمن لعراق شمر والظفير=والاّ مقره نجد من شقران لحدود تربه
انشهد انه وسط قلبي هو الاول والاخير=دونه على بيبان قلبي سور والفين عتبه
عزي لحالي كان طول مرقدي فوق السرير=واصبح عوض عبدالله اصغر من مرادي يايبه

الله يرحمهــ ويسكنهــ فسيحـ جنآآتهــ


ويجمــــعنآآ بهـ فيــ جنآآنــ النعيمــ

ــ وصحـ لسانكـ يآآبوسعودــ


قصيدهـ رائعه كمآآ عودتنآآ يالغاليـ

وننتظر المزيد منـ روائعكــ
تقبلــ مروريـ يالغالي........