ياسلام الله سلامن فيه تقدير ومعزه=للرجال اللي علي وضحا النقا تمشي خطاها
قالو ان المعتصم ناوى يحرر دار غزه=والحقيقه علمها عند الولي محدن قراها

مرحبا بك يا المسلم والبقا في كل حزه=في حلال انته وانا يا صاحبي ضمن نزلاها
دار غزة يا العطاوي من نواها روح عزه=دون غزة نثني الركبه ونردع من غزاها

دار غزه تمتلك عرض(ن)شريف(ن)ومتنزه=مار مانبغي كثير الناس تدخل في حماها
صاحبك مثل الجبل ما فيه مخلوقن يهزه=وانت راعي للعلوم اللي رفيعن مستواها

لا يهمك يالعطاوي والعلم فيها نرزه=دونها جيشٍ مسلح دام عزه ويحماها
والنعم يابن العطاوي والكريم يدوم عزه=وكل رجالٍ حشيم بسيرته دوم يتباها

نارنا ماتنطفي واللي يجي فيها نكزه=من قديم الوقت ماتطفي وتحرق من وطاها
الكلام المشتبه يالمعتصم لالا تدزه=مشينا درب السنع لو صاحبي قام ايحداها

الله الله


العطاوي & المعتصم


صح الله السنتكم



وتقبلوا مروري

الكلام المشتبه صاحبك لا يمكن يلزه=قلت لك كلمة نعم والظاهر انك ما تباها!!
يا محمد من يعزك يا ولد واجب تعزه=وكل كلمة يا وسيع المعرفة إعرف جزاها