الهيـــــــــــــلا *** منتدى قبيلة عتيبة - من قصائد الشيخ عبدالله ابن دخين الثبيتي

- شعراء قبيلة عتيبة (http://www.otaibah.net/m/forumdisplay.php?f=46)

- - من قصائد الشيخ عبدالله ابن دخين الثبيتي (http://www.otaibah.net/m/showthread.php?t=68406)

من قصائد الشيخ عبدالله ابن دخين الثبيتي

السلام عليكم ورحمة الله وبركاته


	الأولـه يالله فـي حسـن الأعمـال ياخالـقٍ روحـي وعالـم باجلـهـا قال الـذي يبنـي جديـدات الأمثـال ولا كـل بيبـان الشعـر مكتملـهـا أبني هواجيـسٍ عريضـات وطـوال واسهر على البـن اليمانـي لاجلهـا يطرب لها الخاطر على شرب فنجـال ولا أدري وش اللي فالعرب يطرب إلها قدامنا كـم مـن تمثـل ومـن قـال عــوارفٍ وأقوالـهـم مانصلـهـا وحنا نمشيهـا مـع الدهـر لا مـال وكـلٍ يـوّرى جابتـه مـا مثلـهـا وياما بدانا فـي عسيـرات الأطـلال وياما مشانـا بالقـدم فـي سهلهـا وياما لبسنا من جديـدٍ مـن العـال وياما سترنا الـروح بادنـى سملهـا ويامـا تنطّحنـا المواجيـب عجّـال نعجـل لخطـار العشـا وانعقلـهـا مـن حايـلٍ مابـيـن بـايـع ودلال نرضـي مربيهـا بسـلـمٍ بدلـهـا وياما تعذّرنـا علـى تمشيـة حـال والروح نكظم غيظهـا مـن خجلهـا ومن كان فالماجوب يبخل على المال عسـى يمينـه يابسـه مـن شللها وياعبيّـد أبوصيـك ياطيـب الـفـال وصّيـةٍ مـن طـاب حظـه قبلهـا الديـن للداريـن سـاسٍ ومـنـزال وياسيـن كـم قدامنـا مـن نزلهـا وانهو عن المنكر بـلا رّي واخيـال وكلمة هل المعـروف بالجـد قلهـا وصون الأمانه عن خبيثين الأعمـال تعرف خبيثين العمـل مـن عملهـا واحذر من الصعلوك لاحـل واحتـال وكيـل دنيـا والأمـانـات أكلـهـا متلبسيـن الديـن برقِـي وخـتـال وانشـاف غـرات الموالـي ختلهـا ويكفيك عن ما اوصيك عرفك بالأنذال ومن يصحب الأنـذال يكسـب نذلهـا ومن جالس الأنذال يتهـم بالأخمـال لن كـان تعرفهـا وتعـرف خملهـا ولا تفتخـر بمعـرب الجـد والخـال ماكامـل ألا مـن يكمـل خصلـهـا وكم من عريب الجد والخـال مـازال يمشـي مماشيهـا ويفعـل فعلـهـا يقولـون فالدنيـا غيـارات واميـال وهذي سواليف العرب مـن جهلهـا الله خلـق دنيـاه وايــام وإلـيـال في دبـرت الله ماشيـه فـي عدلهـا ما الغيـره ألا مـن تِغيـار الاجيـال مابيـن شـد إرحالهـا مــن حللها غوغـات جيـل مستخفيـن زعـال فالديـن والشيمـه كثيـرٍ كسلـهـا وإن جا خصومه بين خصمين في حال كلـن تولـم واشتـرك فـي جدلهـا ودقـوا مزاميـرٍ وزيـرٍ وجلـجـال وقاموا لها صفين مـن دون أهلهـا وحطوا على الخصمين مقفا ومقبـال ويرمون مابيـن الخصـوم ابدقلهـا والخيـر فاللـي للشرابيـك حــلال بيبـان حـق إليـا فتحهـا دخلـهـا والصدق ينجي فالمخاطـر والأهـوال ويبـدي علامـات الرجـال وعقلهـا والكذب إلـه كيـال ويجيبـه أحمـال معاشـر الكذبـان لا تضحـك إلهـا واليا ضحكـت ايحملونـك وتشتـال ويقولون إلك بالمِـد والصـاع كلهـا ولاكل مـن يزهابـه الثـوب رجـال ولا كل من شـال الحمايـل جملهـا هذي نصيحـه ياعبيّـد مـن البـال يجني ثمرها كل مـن يسمـع إلهـا وصـلاة ربـي عـد ماهـل همـال علـى نـبـيٍ والأمـانـه حملـهـا

صح السان ساس ومنبع اعتلبة الهيلا
مشكوووووووووووووووووووووووووووووووووووور يالغالي

اقتباس:

المشاركة الأصلية كتبت بواسطة عبدالرحمن الهيلوم (المشاركة 623726)

صح السان ساس ومنبع اعتلبة الهيلا
مشكوووووووووووووووووووووووووووووووووووور يالغالي

يعطيك العافية

قصيده ممتلئه من الحكم والمواعظ المفيده ..
لشاعرها الشيخ عبدالله بن دخين الثبيتي .
صح لسانه وصح لسانك يامحب الهيلا .
استمتعنا بالقصيده الرائعه ..
...

اقتباس:

المشاركة الأصلية كتبت بواسطة ابومشعاب (المشاركة 623887)

يعطيك العافية على المرور

الله الله .

صح لساانه..

مشكور يا محب..

اقتباس:

المشاركة الأصلية كتبت بواسطة /عبد العزيز الجذع/ (المشاركة 624017)

الله الله .

صح لساانه..

مشكور يا محب..

مشكور على المرور

الف الف شكر لك وصح لسانك والله يرحم ابن دخين .

اقتباس:

المشاركة الأصلية كتبت بواسطة ابن منيع الله الثبيتي (المشاركة 627689)

الف الف شكر لك وصح لسانك والله يرحم ابن دخين .

لاهنت على المرور

تشكر اخوي العزيز