امس معجب يقول اني نصفت الطريق=والسعه ياعرب يامكثر اهروجها
صاحبي مالك له مزرعه بالحريق=مير تال الليالي قل منتوجها

امس قال وصدق واليوم شكّل فريق=يوم بعض السفن ماجربت موجها
لاحصل شي قدم الناس فعله يليق=مشكله فالبلد لاكثرت لحوجها

الفضا في عيونك ياولد لايضيق=ارض ربي ترا ياموسع افجوجها
صاحبي طب وسط البحر واصبح غريق=ومن حسب للدخول يحسب خروجها

ماتضيق الفجوج لكل مجدٍ عريق=والخيول الاصيله جهّز سروجها
البحر ممتلي لؤلؤ وجاله بريق=والعرب يامحمد عبّت دروجها

اطلع اطلع علي قمت جبال الطويق=لين حتي تشوف الدار وبروجها
البحر ماش وسطه ياصحيبي رحيق=وانت تدري بزين الهرج من عوجها