وما اكثر الاخوان حين تعدهم=ولكنهم في النائبات قليل

شد الظروف وعسر الايام والضيق=صفحة حقايق صاحبك لا جهلته
عند اللزوم اليذهب الحيل والريق=تقرا خفايا ضامره لا حفلته
خل الرخا ما للنظر منه تبريق=الا تجيه بلازم ما احتملته
اما ارتكى مثل الجبال الشواهيق=ولا صغر في ناظرك واعتزلته
وامسيت قاطع سبع البحار توهيق=وللي بذلت لخاطره ما عقلته
الزرع يحصد والعوض منه ما ذيق=الا حسايف باب عرف دخلته
والطيب مثل فياض نجد المغاليق=يوم الردى مثل الدهر لانزلته
والمدح يزهي بالمناعير ويليق=اللي الى كبرت قالت امر اكفلته
ولا الضعوف تلفق الهرج تلفيق=حلى السراب اللي على البعد خلته
سود الوجيه امغلقين الصناديق=ما قط فعل الطيب لحد بذلته
ربع النسا يا اهل الوجيه المطاليق=لازال منهم واحد ما احتملته
اجامل الطيب على غير ما طيق=وليا سمعت مغيب عرضه خذلته
حتى لو انه من بعيد المخاليق=قدره على مثناه قلبي حملته