جعل السحاب اللي معه برق ورعود=يمطر على دار وليفي سكنها
يسقي وطن منتوقة العنق ياسعود=مالي وطن بالعارض الى وطنها
قلبي غدا وإستيسره لين العود=ماحد يفك القلب ياسعود منها
ساطي وفي كفه قديحه وبارود=وأدخل يده بين الضلوع ودفنها
بيني وبينه وصل وأسرار وعهود=مصيونة ماتدري الناس عنها
في كل عام يزود حبه بعد زود=أقفي بروحي ولتوي في رسنها
أموت بين الخد وعيونه السود=وحواجب ربي بملحه قرنها
وشعراً بدهن الورد والمسك مكدود=جديلة(ن) تضمني وأحتضنها
ليل جمعني به عسى ليت ويعود=يبعد عن النفس الحزينه حزنها