الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   محــاوره بين تركي ابن رده الفليت العتيبي ومحمد بن غازي النخيش العتيبي (http://www.otaibah.net/m/showthread.php?t=67915)

عبدالله هادي ناشي الفليت. 15-Apr-2008 02:38 PM
محــاوره بين تركي ابن رده الفليت العتيبي ومحمد بن غازي النخيش العتيبي
 
بسم الله الرحمن الرحيــــم









السلام عليكم ورحمة الله وبركاته

كيف حالكم..عسااكم طيبيــن


اقدم لكــم محاوره كتابيه رائــعه : بين الشاعريـــن

تركي بن رده الفليت العتيبي (الشاعر المرقابي)

&
محمد بن غازي النخيش العتيبي


(تركي العتيبي)

سلام تسليمت وفاء مدبوله=وزن الذهب مثل الجبل مرساها
أخذ علومٍ صافيه معقوله=خد البنــيه ماشــبه يمــناها



(محمد النخيش)

يا مرحبا ترحيبة مرسوله=مثل المخيله خيلت منشاها
الجزل جيبه ثم خلك حوله=والخلق منته واصلن لرضاها


(تركي العتيبي)

دام البقا ترحيبتك مقبوله=لين الرعد والبرق ينثر ماها
قلب البنادم ربنا مسئوله=وش قلت ف الصوره في معناها


(محمد النخيش)

ترحيبتي لهل الوفا مقيوله=ممتازةٍ للي يعرف اقصاها
كلً على كيفه يسوق ذلوله=احدن وصل واحدن على عمياها


(تركي العتيبي)

ترى البعير اللي برك لحموله=لاقام حظه حملته وداها...
نفسك وعينك دايمن مشغوله=حاول تعالج علتك بدواها



(محمد النخيش)

ماكل من يبرك نشوف فعوله=بعض الجمال احمولها برغاها
النفس في ماتشتهي معلوله= يا تركي الدنيا على ممشاها



(تركي العتيبي)

ترى العصا لعضوده المفتوله= يالين رجله يختلف مجراها
شفت الليالي حلوه ومعسوله=والجمرتين أتموت لو تطاها



(محمد النخيش)

ياصاحبي لو كلمتك مجهوله=مايختلف لي بيعها وشراها
الوبل لامنه نثر هملوله=طابت اراضيها وزان اخطاها





انـــــتهــــــت المحااوره

الله لاهينكم عطونــي رايكم فيهااااا






تحيــاتي لكـــم,,,
عبدالله هادي ناشي الفليت.

طارق النفيعي 16-Apr-2008 04:31 PM
رائعه بالحيل ولاهنت

يعطيك العافية غلى النقل

ومحاورة رائعه ويعطي الشعار العافية

/عبد العزيز الجذع/ 16-Apr-2008 10:55 PM
مشكوور وبيض الله وجهك..

عبدالله هادي ناشي الفليت. 20-Apr-2008 02:26 AM
اقتباس:
المشاركة الأصلية كتبت بواسطة طارق النفيعي - البجادية (المشاركة 618346)
رائعه بالحيل ولاهنت

يعطيك العافية غلى النقل

ومحاورة رائعه ويعطي الشعار العافية
اللله يعاااااافيك




ومشكوووووور على المرووووور

فالح الهاجري 20-Apr-2008 08:36 PM
رائعه المحاوره بل اكثر من رائعه اخوي

مستقبل رائع لهم باذن الله


اشكرك اخوي على نقلك لنا المحاوره


تقبل تحياتي


الساعة الآن »08:42 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd