انت ياخالد زعلت ولا رضيت=ماعرفنا وش علامك وش بغيت
من جهتكم والله اني مارميت=ماعلى الدنيا ضميرن مستريح
المقاطي ضايقن بالحيل =يمشي بخلاقن تجاريه
ياولد عمي حشاك الميل=كلها مزحات عفويه

مابغيناها تفرق وانقسام = يوم كلً مقسمه راس السنام
يوم بعض المزح يكسيك الملام = ( المقاطي طول عمره مستريح )

طالبين البن حدر الهيل = شفنا فنجال بريه
كان صادق صلح التأويل = وخذ حسنه وترك السيه ؟

الخطا وارد ولحدن يجحده=والمقاطي راقدن في مرقده
والعدل يعدلن ولحدن يفقده=ما على الدنيا ضميرن مستريح
الحموله جاهزه ياشعيل=حملتك فالركن مركيه
هرجنا مايقبل التعديل=بالحقايق ميه بميه

مانشدتك وش شربت ووش كليت = ناقضينك قدم ننقض بيت بيت
ماجهلنا وش كتبت ووش محيت =( ماعلى الدنيا ضميرً مستريح )

لاتدربي حملتك للسيل = فيك مربوعه ومثنيه ؟
خابرينك يارجل حلحيل = لاتداعا بالفهاميه