جتنــــــي تعذر ...!!!!
 

..


السلام عليكم ورحمة الله وبركاته ,,


نتواصل في قسم قصائد الاعضاء بهذه المتواضعه


أرجوا ان تنال اعجابكم .

ابكي سوات الطير بكيٍ بـلا دمـوع
واقنب قنيـب الذيـب قـدام بابـك
لادمع يدرابه ولا صـوت مسمـوع
يـارب ترحـم حالتـي والرجابـك



....
....
....

الله الله عليك ياناصر

صح لسانك مليون

وش اقول بس ؟

ياناصر



الله اكبر


مبدع ياخال مبدع بكل ماتحمل هذه الكلمه



لي عودات إلى هذا الشامخه

جتني تعذر بعـد ماغابـت اسبـوع
وتقول لاتسـأل وش اللـي لفابـك
الهم . والتفكير . والثالـث الجـوع
وإن طول غيابـك ذبحنـي غيابـك
ترى العتب مشروع والصد ممنـوع
لاتحرم المشتـاق فرصـة جنابـك
صدري حواك وكل مابه من ضلـوع
ونفسـي تبيـك وبالمحبـه تهابـك
يكفي جفا . ياطيب الاصل والنـوع
أنـا ترانـي صفحـةٍ فـي كتابـك
من قبل اجاوبها وأنا صرت مفجوع
قعـدت أردد بإسمـهـا ياهـلابـك
يامن تعاتبني وأنـا منـك موجـوع
لاتحسبنـي فـي سعـاده بـلابـك
رأسي على كفي وجسمي على الكوع
وتـرى عذابـي مايشابـه عذابـك
طيفك يفزعني مـن النـوم وأفـوع
ياحلو طيـفٍ فآخـر الليـل جابـك
ابكي سوات الطير بكيٍ بـلا دمـوع
واقنب قنيـب الذيـب قـدام بابـك
لادمع يدرابه ولا صـوت مسمـوع
يـارب ترحـم حالتـي والرجابـك
كله على شانك تبعت الهوى طـوع
واحفيت رجليني شقـا فـي ترابـك
وقطعت دربٍ عسر ماهوب مقطـوع
الجو جـوي والسحايـب سحابـك
يالين حبك صـار فالقلـب مطبـوع
وصارت حياتي في حياتـك تشابـك
هاذي حياتي هـم والقلـب منـزوع
واللي نظرني قال للي ويش صابـك
اسبابها في غياب مقـداره اسبـوع
وش لون لو غيبت وابطى غيابـك



صح لسانك وبيض الله وجهك

ناصر الابداع والتجدد

هنا وهناااااااااااااااك

دائما رائع ومميز

صح لسانك وننتظر المزيد من الابداعات

ناصر الجلاه

صح لسانك وبيض الله وجهك

شاعر في غاية الجزاله


تقبل تحياتي