الهيـــــــــــــلا *** منتدى قبيلة عتيبة - مرثيه في الشاعر ( طلال الرشيد ) رحمه الله ,,

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
هذه المرثيه للشاعر غازي بن عون ,,

في المرحوم بأذن الله ( طلال الرشيد ,,

مرحوم يا شيخ الجبل ريف الأضياف =يا الماجد اللـي مـال جـوده نهيّـا
اللي لطرق الجود و المجد ميـلاف=وعلـى بقايـا مجـد الأجـداد عيّـا
اللي من الأجداد في شخصه أوصاف=اهـل المكـارم و الوفـا والحميّـا
اهل العطايا مروية حدب الأسيـاف=ملاجـي المظيـوم شيخـان طـيّـا
لراياتهم فـي قمـة المجـد رفـراف=وفي ظلهـم شاكـي الهجيـر يتفيّـا
وطلال عدّا في حجا كـل مشـراف=ويطمـح لمصعـاد القمـر والثريّـا
وصوف النجابه فيه كلٍ لهـا شـاف=وهو في زهور العمـر تـوّه صبيّـا
بالجود اله شفٍ نفل كـل الاشفـاف=ماهـوب غمـر ٍ يقنعـه مـا تهيّـا
ابحر بيمٍّ هايـج ٍ مـا لـه اطـراف=تلاطـم امواجـه مهـبـه عتـيّـا
اله الصبر دانوق والعـزم مجـداف=مواصـل ٍ سيـره صبـاح وعشيّـا
لين انه احيا مجد الاسلاف واضـاف=لامجادهـم مجـدٍ طليـق المحـيّـا
والموت درب ٍ للبشر ياابـو نـواف=وما صار للمومـن مـن الله محيّـا
واللي يخل الفجعه اضعاف الاضعاف=موتتك يـا بحـر النـدى هالسويّـا
واللـي يخلينـا كثيريـن الاحسـاف=موتك على يديـن الخـوارج كذيّـا
واللي جعلنا نفرك بطـون الاكفـاف=موتك كذيـا مـا وخـذ بـك قضيّـا
ولو منهم اخذنا لك فـراش ولحـاف=انت وسواد الناس مـا انتـم سويّـا
وقتلك غدر يدم الضماير والالجـاف=تقتل علـى يديـن الخـوارج بريّـا
اللي لهم في ماضي الهجره اسـلاف=اللـي قتـل عثمـان واللـي عليّـا
واليـوم يقتـل فالجزائـر بـالالاف=ومنهجهـم الخاطـي وصلنـا هنيّـا
يبون باسم الديـن تحقيـق الاهـداف=وبـدوا بتفجيـر الخبـر والعلـيّـا
وفجّر بغرناطـه مهيـن ٍ وحـلا ّف=وبشبيلـيـا ومجمـعـات المحـيّـا
وياللي هرم جودك على النايفه نـاف=المـوت مكتـوبٍ علـى كـل حيّـا
عسـاك فالمـاوى بجنـاتٍ الفـاف=يحـط لـك فيهـا مكـان ٍ علـيّـا
[/poet]