كريم يا برق لحـأ الحـال برقـه = منه أعشبت قبل المطر كل الأحداق
ما عاد يعرف منه غربه وشرقـه = والا الوكاد استأنست منـه الأفـاق
يمطر قبل لا تمطر المزن طرقـه = ويجره الوادي على كل الأنسـاق
روضه تذكـر قبـل يلقـاه فرقـه = وكل الفياض رجومها تلو الأعناق
يمه كبود النـاس تشتـاك سرقـه = ياماحلا يومن يسوقـه ليـا سـاق
يابو مهنـا زيـن لا نـاح ورقـه = والجال والفيضة غـدً ورد وأوراق
قطر الندى من فوقهن كن زرقـه = ترسم دواير صبحها لا جل الأذواق
جاء حلهن والصبر يا شيخ درقـه = طراته اللـي مثلكـم فالبشـر لاق

جعله على المكمن تفاصيل غرقـه = ويا خذ أليا ألتربه ويكسر للإشراق
ينثر على حذران وبـلٍ يهـر قـه = وينصا العمود مسيم وبله وهـدا ق
ويا خذ ثلاث ليال ما كف طرقـه = لا موترٍ يمشي ولا راعي نيـا ق
وينشى منه مـزنٍٍ تهاميـل نرقـه = مثل الجبال اسافلـه لـه ترنيـا ق
على كتيفا الخور يكسـر نمرقـه = ويدرج شعيبه بالبرد لين يضتـاق
ويسوقه الشرقي على كـل برقـه = وعلى ألا عيلي يثعل الوبل صداق
عله على مربى الادامـي يعرقـه = وعقب المطر يطرب وتبتل الارياق
يابو يزيد الضلع الاقصى الك ورقه = حنا على خوتك نفـرح ونشتـاق