الهيـــــــــــــلا *** منتدى قبيلة عتيبة - كلكم لآدم وآدم من تراب .. قصيدة بمناسبة الهيلا ..

بسم الله الرحمن الرحيم

السلام عليكم ورحمة الله وبركاته

بمناسبة إقامة مزاين الابل في الدوادمي في شهر شوال عام 1428 قام الشاعر عبد الله بن سليمان الفوزان بزيارته وانشرح صدره لما رأى فيه ..
واعجب بكرم وحفاوة المنظمين له من قبيلة عتيبة فجاش خاطره فقال هذه الأبيات .. :

زرت القبيلة وانا فرحـــــان ******** مـــزايـــن البــــل سلاّنــــي

الملتقى للصـلـه باحســــان ******** مفتـــــوح للكـل مجّــانـــي

عتـيبه من جمـلة العربــــان ******** عضــو من الشعب متفانـــي

والشعب مع دولته بنيــــان ******** متماســك(ن) ضـد عـدوانــي

وكل(ن) له أصل(ن) وله بلدان ******** تـوحّـــــدوا ضــد شــرّانـي

والفضلْ للـواحـد المنّـــــــان ******** وحّدهم بالدين وايمـــانــي

وبقادة(ن) كلهم شجعـــــان ******** منهـم عبـد الله وسلطانــي

دستورهم شـرع(ن) وميــزان ******** صـحيـح سنـــة وقــرآنـي

الكل لآدم قبل عدنــــــــــان ******** لكــن بالأفعــال شتّـانـي

الفرق في طاعة الديّـــــــان ******** بالجــود والبــر واحسانـي

والأصل بالعِرف للعنـــــوان ******** وأنا أذكر اسمي وعنواني

أنا اسعدي(ن) من الفــــوزان ******** والأصــل من روق عتبانــي

والـــدار ببريـــدة القصمـــان ******* ويتــابع الجــمع وجــدانــي

للجمع مني شكر عرفـــان ******** يجــزاهم الــرب باحسانـــي

وصلاة ربي عظيم الشــان ******** على النبي نسـل عدنانــي