محاوره قمه بكل ماتعنيه الكلمه...بس قديمه شوي
 

بصراحه هذي محاوره دايما يرددها والدي حفظه الله وهي بصراحه معانيها جميله وهادفه والمحاوره بكل ماتعنيه الكلمه راقيه وجميله وقمه. وقلت خلني اجيبها للهيلا.
أترككم مع المحاوره..


مطلق:


الحريبي ينفض اللحيه ويطوي في معمه"
"راغ قلبه من شليويح المطيري والزلامي
والبعير اللي يشيل الحمل عود يرضع امه"
"بعد قالوا شامخ النيبان مردوم السنامـي


صياف:


الحريبي يوم غنى حطكم في راس كمـه"
"ثم خلاكم عجينه كـن مافيكـم عظامـي
الجمل يمشي على الدرب وكلامك مايهمه"
"من هديره قمت من نومك وحرمت المنامي


مطلق:

الزمان اللي ستر حالك وحالـي لا تذمـه"
"والحرم من دونه المسعى وبيبان السلامي
انت داب كل ماحرك شدوقه سـال سمـه"
"والله انا مانذوق السم يالـداب التهامـي




صياف:



انت ذيب تكره البارود يوم انك تشمـه"
"ماتحب النور الابيض ماتحب الا الظلامي
الطعام اللي ليا شفته على صدرك تضمه"
"لانقول انه حلال ولانقول انـه حرامـي


مطلق:


علّموا صياف لا يتبع خفيف العقل عمه"
"دام انا وياه فالمذهب وفالطرقه ليامـي
والله انا ما نبا اللي بيننا نقـال نمـه"
"بعد عوّد باعةٍِ بين القبايـل ماتسامـي


صياف:


انت اشوفك كل ماتسرح تضوّي لك مطمه"
"تحسد المسلم على دينه ليا صلى وصامي
لايزعلك الكلام اللي عسى ربـي يتمـه"
"ثم بعده تستريح بلا شراب ولا طعامـي


مطلق:


كل شي في طريقك يا ابيض الشـارب تخمـه"
"لين ضيعـت الفشـق والبندقيـة والحزامـي
ان نثـرت العفـش ياصيـاف ماتقـدر تلمـه"
"وان قربت من العرب ميسمك جوف النار حامي


صياف:

لو يذن لك على باب الخزينه رحت يمـه"
"وان نظرت لك نظرة حمرا تعديت النظامي
المسافر مايطب البحر ليـن انـه يطمّـه"
"يذكر الله في بلد مكه ويلبس له احرامـي


مطلق:

انت مانته مستشار ولا انت ريس مجلس امه"
"انت غصن الحنظله ما لك زهور ولا نوامـي
جيت عند الحسو ظامي مار ماللحسو جمّـه"
"مخبل اللي يحسب ان الحسو يروي كل ظامي


صياف:

لوحطوك العرب ريس قضا مافيـك ذمـه"
"يوم تضحك لي بسن ويوم تزعل من كلامي
لاتنزلك الدروب العوج وانتـه راس قمـه"
"ثم لـو تمـوت ماقلنـا لعلـه للرحامـي


مطلق:

والله انك تعـرف الصـواغ نقـاش الازمـه "
"هات ياصياف خشمك كان تبغى لـه زمامـي
مخبل اللي يرسلونك يالسحيمـي فـي مهمـه"
"وانت في رجلك سلاسل وانت في راسك خطامي


صياف:


ثوبك الابيض تغير يوم طولـت الاكمـه"
"مار ليتك تصبغه بالسدر وعروق البشامي



شعراء بحق من النادر ان نجد مثلهم في الساحه.

عبدالله الجذع : مشكوووووووور طال عمرك يوم نقلت لنا هالمحاورة القوية , يا ليت نكون نصف ما كان عليه مطلق وصياف رحمهما الله .

ما ألوم شايبك يومه يغني بها . ترى أبياتها فيها تميّز وقوة شاعرية , وأنا أدري إنه ماهو بكل واحد ينتبه لها .



أكرر جزيل شكري لك يابو عابد .

محاورة من العيار الثقيل ..

سلم راسك يالجذع ..

































http://arb7.com/uploads/f39d66b993.jpg


http://arb7.com/uploads/876d8fe328.jpg


http://arb7.com/uploads/7035eb3230.jpg




تحيـــات عـــاشــق الاهلــي الملكــي وجمهـــوره


نـــايــف الدوســي الزهــــراني

قادح منور والله يالغالي..

الله يبارك فيك ولايحرمنا من هالطله ..

اي والله.,.

امين..

منور يابو داحم يالغالي..

ابو فايح افا عليك سياسيه وبس ;)

منور يالغالي..

الدوسي منور يالغالي..

حياك ربك.

ويسلم راسك..

لاهنت على المحاورة كان عند الوالد شريطها