هذه قصيده للشاعر / غالي بن شباب الصوينع
وهي تعبر عن نفسها

يالله تجيب الخير ياوالي الخير = خيرٍ يسر الدار ويسر اهلها
عقب العجاج وحاميات المعاصير = تلبس بلاد العز باحلى حللها
حتى تزيّن للوجيه المسافير = وتصبح عروسٍ عقب طول محلها
وتاخذ ثمان سنين وهيه مزاهير = وديانها وجبالها مع سهلها
من الحجاز اليا حدود المناصير = ومن اليمن للشام شيٍ ذهلها
وتبهّج انضار العرب بالنواوير = بالديره اللي عطف ربي شملها
وتهشّم مزون المطر صبح وعصير = والارض يشبع بضحويه جملها
وتكحّل عيوني بشوف المغاتير = والامجاهيمٍ ترزم فحلها
هذيك خلفاتٍ وهذي معاشير = وذيك لقواتٍ مايدور بدلها
هذي مواريدٍ وهذي مصادير = عقب الوقوت القشر ربي كفلها
واهل الدبش ماعاد تشري له شعير = يبحل به التاجر بعد ما دبلها
لو يرخص الشراي فيها الدنانير = يحرم عليه يسوق حتى جهلها
ويلقى مع البدوان حشمه وتقدير = رجلٍ يخاو البدو والادهلها
فلّت حجاج مع الرجال المناعير = اللي ثقيلات الحمول اتحملها
سمن وسمين وعلم مافيه تزوير = وسوالفٍ عند النشاما دولها
ونارٍ عليها بهر الكيف تبهير = وسيقت فناجيله على من نزلها
وصورت شيٍ شفت من غير تصوير =وارجي عسى الله لا يخيب املها
ويالله يارازق وحوش وعصافير = يامحاسبٍ كل النفوس بعملها
تجعل لهم من عسر الايام تيسير = وتنقض حبالٍ كل حاقد فتلها
وارحم بلادك ياعظيم التدابير = واهد العباد اللي كثيرٍ زللها
ولاجا من الجهال عيبٍ وتقصير = فالدين عدوانه كبارٍ حيلها
تبغى تدمر دين الاسلام تدمير = وتبغى شباب العرب تكثر عللها
ومن غزوها الفكري غدينا شعاتير = واما تصدينا تبين خللها
يا أمه الاسلام ما فيه تفكير =ما ينفع النفس الضعيفه كسلها
تحت العلم لابد نمشي طوابير =ونسوق الانفس لو تمشي لاجلها
اجدادنا دون العقيده مغاوير = ولا منهم اللي فالمواقف خذلها
بحد السيوف المرهفات المشاطير = وفوق المهار اللي سريعٍ جولها
مرٍ مسانيدٍ ومرٍ محادير = زهاد فالدنيا وللموت ولها
حتى تحرر من هل الشرك تحرير = دينٍ موازين العداله عدلها
وصلاة ربي عد ما غرد الطير = على نبيٍ سنته نمتثلها

وسلامتكم

غالي بن شبّـاب الصوينع

مرحبا بك




اخوي



فيصل المسعودي



وصح بدنك





ابو مشعاب





الله لا يهينك





وحياك الله




عبدالله الجذع



مرحبا بك



والله يجزاك خير





مروركم شرفني